રોહિત શર્મા અંગે BCCIનું મોટું નિવેદન: મુખ્ય પસંદગીકાર અજિત અગરકરની ગેરહાજરીએ જગાવી ચર્ચા
ભારતીય ક્રિકેટ કંટ્રોલ બોર્ડ (BCCI) ની ગુરુવારે મુંબઈ ખાતે એક અત્યંત મહત્વપૂર્ણ બેઠક યોજાઈ હતી, જેમાં ભારતીય ક્રિકેટ અને ખેલાડીઓના ભવિષ્યને લઈને કેટલાક મોટા નિર્ણયો અને ચર્ચાઓ સામે આવી છે. આ બેઠક બાદ અનુભવી બેટ્સમેન રોહિત શર્માને લઈને ચાલી રહેલી તમામ નિવૃત્તિની અટકળો પર વિરામ મુકાઈ ગયો છે. BCCI ના સચિવ દેવજીત સૈકિયાએ સ્પષ્ટ કર્યું છે કે રોહિત શર્મા ખૂબ જ સારું રમી રહ્યો છે અને ઈન્ટરનેટ પર ચાલી રહેલી અફવાઓ પર ધ્યાન આપવાની કોઈ જરૂર નથી.
આ બેઠકમાં વર્તમાન ટેસ્ટ અને વન-ડે (ODI) કેપ્ટન શુભમન ગિલ તેમજ T20I કેપ્ટન શ્રેયસ અય્યરે હાજરી આપીને પોતાના મંતવ્યો રજૂ કર્યા હતા. જોકે, આટલી મહત્વપૂર્ણ બેઠકમાં મુખ્ય પસંદગીકાર (Chief Selector) અજિત અગરકર હાજર ન રહેતા ક્રિકેટ જગતમાં અનેક સવાલો અને અટકળો ઊભી થઈ છે.
રોહિત શર્મા અંગે સચિવ દેવજીત સૈકિયાનું વલણ: અફવાઓ ફગાવી
છેલ્લા કેટલાક સમયથી રોહિત શર્માની કારકિર્દી અને ભવિષ્યને લઈને સોશિયલ મીડિયા તેમજ મીડિયા વર્તુળોમાં જાતજાતના અહેવાલો વહેતા થયા હતા. પરંતુ BCCI ની બેઠક બાદ સચિવ દેવજીત સૈકિયાએ મીડિયા સાથે વાત કરતા આ તમામ અહેવાલોને નકારી કાઢ્યા હતા.
સૈકિયાએ જણાવ્યું હતું કે, રોહિત શર્મા હાલમાં ખૂબ જ સારો ક્રિકેટ રમી રહ્યો છે. ઓનલાઈન અથવા સોશિયલ મીડિયા પર જે કંઈ અહેવાલો અને ચર્ચાઓ ચાલી રહી છે તેને સંપૂર્ણપણે અવગણવી જોઈએ. જોકે, તેમણે રોહિતના ભવિષ્ય અંગે કોઈ લાંબા ગાળાની સ્પષ્ટતા કરી ન હતી, પરંતુ તેમની આ ટિપ્પણી સૂચવે છે કે રોહિતનું સ્થાન હાલ સુરક્ષિત છે. જો રોહિત આ જ રીતે સતત સારું પ્રદર્શન કરતો રહેશે, તો તે આવતા વર્ષે યોજાનારા ODI વર્લ્ડ કપ સુધી સરળતાથી રમી શકે છે.
અજિત અગરકરની બેઠકમાં ગેરહાજરી: BCCI એ આપી આ સ્પષ્ટતા
ભારતીય ક્રિકેટના ભવિષ્યનો રોડમેપ તૈયાર કરવા માટે બોલાવવામાં આવેલી આટલી મોટી બેઠકમાં મુખ્ય પસંદગીકાર અજિત અગરકર વ્યક્તિગત રીતે કે વર્ચ્યુઅલી (ઓનલાઈન) પણ હાજર રહ્યા ન હતા. પસંદગી સમિતિના વડાની આવી મહત્વપૂર્ણ ચર્ચામાં ગેરહાજરીથી અનેક સવાલો ઊભા થયા હતા.
VIDEO | Mumbai: “No difficulties expected in Japan; Rohit playing superbly,” says BCCI Secretary Devajit Saikia (@lonsaikia), amid speculation that Rohit Sharma could be dropped from the upcoming ODI series against the West Indies.
(Full video available on PTI Videos -… pic.twitter.com/kWeU64ZjXq
— Press Trust of India (@PTI_News) September 3, 2026
જ્યારે મીડિયા દ્વારા અગરકરની ગેરહાજરી અંગે પૂછવામાં આવ્યું, ત્યારે સચિવ દેવજીત સૈકિયાએ ખુલાસો કર્યો હતો કે આ બેઠક ખૂબ જ ટૂંકી સૂચના (Short Notice) પર યોજવામાં આવી હતી. અચાનક બેઠક નક્કી થવાને કારણે અજિત અગરકર અંગત કારણોસર હાજરી આપી શક્યા ન હતા. જોકે, ક્રિકેટ નિષ્ણાતો અને ચાહકો માટે આ સ્પષ્ટતા બહુ ગળે ઊતરે તેવી લાગતી નથી.
ક્રિકેટ ડિરેક્ટરની નિમણૂકની વાતો ફગાવી; ગિલ અને અય્યરનું મૌન
બેઠક દરમિયાન એવી પણ ચર્ચા ચાલી રહી હતી કે BCCI ભારતીય ટીમ માટે એક અલગ ‘ક્રિકેટ ડિરેક્ટર’ (Director of Cricket) ની નિમણૂક કરી શકે છે. પરંતુ સચિવ સૈકિયાએ આ બાબતે સ્પષ્ટતા કરતા જણાવ્યું હતું કે બોર્ડ આવી કોઈ નિમણૂક કરવાનું વિચારતું નથી અને આ માત્ર અફવાઓ છે.
VIDEO | Mumbai: “Chief selector Ajit Agarkar was out of station and couldn’t even join online; meeting focused on building the best team for the 2027 ODI World Cup”, says BCCI Secretary Devajit Saikia (@lonsaikia).
(Full video available on PTI Videos – https://t.co/d8jp61yd2p) pic.twitter.com/gQKjXlw0DV
— Press Trust of India (@PTI_News) September 3, 2026
