મહિલા એશિયા કપ ૨૦૨૬: ભારત અને પાકિસ્તાન વચ્ચે ખેલાશે મહામુકાબલો; જાણો WT20I માં હેડ-ટુ-હેડ રેકોર્ડ અને પાકિસ્તાનની જીતનો આંકડો
એશિયા કપ ૨૦૨૬ માં ૫ સપ્ટેમ્બરે આંતરરાષ્ટ્રીય ક્રિકેટ જગતની બે કટ્ટર હરીફ ટીમો ભારત અને પાકિસ્તાન વચ્ચે હાઈ-વોલ્ટેજ મુકાબલો યોજાવા જઈ રહ્યો છે. આ મહામુકાબલા પહેલા જ ભારતીય મહિલા ટીમે સતત બે જીત નોંધાવીને સેમિફાઇનલમાં પોતાનું સ્થાન સુરક્ષિત કરી લીધું છે. બીજી તરફ, પાકિસ્તાનની ટીમ માટે પણ આગળના રાઉન્ડમાં પહોંચવાનો માર્ગ લગભગ સાફ દેખાઈ રહ્યો છે. જ્યારે પણ ભારત અને પાકિસ્તાનની મહિલા ટીમો સામસામે આવે છે, ત્યારે ક્રિકેટ પ્રેમીઓમાં એક અલગ જ રોમાંચ જોવા મળે છે. જોકે આંકડાઓ અને તાજેતરના પ્રદર્શનની દ્રષ્ટિએ ભારતીય ટીમ પાકિસ્તાન પર સંપૂર્ણ રીતે હાવિ રહી છે.
WT20I માં ભારત વિરુદ્ધ પાકિસ્તાન: હેડ-ટુ-હેડ રેકોર્ડમાં ભારતનો એકચક્રી દબદબો
મહિલા T20 આંતરરાષ્ટ્રીય (WT20I) ક્રિકેટના ઇતિહાસ પર નજર કરીએ તો ભારતીય ટીમનું પલડું હંમેશા ભારે રહ્યું છે. બંને ટીમો વચ્ચે અત્યાર સુધીમાં કુલ ૧૭ T20I મેચો રમાઈ છે, જેમાંથી ભારતે ૧૪ મેચોમાં શાનદાર જીત મેળવી છે. બીજી તરફ, પાકિસ્તાનની ટીમ માત્ર ૩ મેચોમાં જ વિજય મેળવવામાં સફળ રહી છે.
પાકિસ્તાને ભારત સામે છેલ્લી જીત વર્ષ ૨૦૨૨ ના એશિયા કપ દરમિયાન મેળવી હતી. પરંતુ તે મેચ પછી રમાયેલી તમામ ૪ T20I મેચોમાં ભારતીય મહિલા ટીમે પાકિસ્તાનને આસાનીથી માત આપી છે. દરેક મોટા સ્ટેજ પર ભારતીય ખેલાડીઓએ પોતાની શ્રેષ્ઠતા સાબિત કરી છે, જેના કારણે બંને ટીમો વચ્ચેની આ સ્પર્ધામાં ભારત સ્પષ્ટપણે આગળ દેખાય છે.
કુલ રમાયેલી મેચો: ૧૭
ભારતની જીત: ૧૪
પાકિસ્તાનની જીત: ૩
છેલ્લો મુકાબલો: ભારત વિજયી
ભારતીય ટીમનો વિજયી રથ: સતત બે ધમાકેદાર જીત સાથે સેમિફાઇનલમાં પ્રવેશ
ચાલુ મહિલા એશિયા કપ ૨૦૨૬ માં ભારતીય મહિલા ટીમનું પ્રદર્શન અત્યંત પ્રભાવશાળી રહ્યું છે. હરમનેપ્રીત કૌરની આગેવાની હેઠળની ભારતીય ટીમે પોતાની પ્રથમ મેચમાં થાઇલેન્ડને એકતરફી રીતે હરાવીને ટૂર્નામેન્ટની આક્રમક શરૂઆત કરી હતી.
ત્યારબાદ પોતાની બીજી મેચમાં ભારતીય ટીમે હોંગકોંગ સામે ૧૩૭ રનથી ઐતિહાસિક અને કારમી હાર આપી હતી. સ્મૃતિ મંધાનાની ૧૨૪ રનની તોફાની સદી અને બોલરોના શાનદાર પ્રદર્શનના દમ પર ભારતે આ જીત મેળવી હતી. સતત બે મોટી જીત સાથે ૪ પોઈન્ટ મેળવીને ભારતીય ટીમ ગ્રીન ગ્રુપમાંથી સેમિફાઇનલમાં ક્વોલિફાય થનારી પ્રથમ ટીમ બની ગઈ છે. હવે પાકિસ્તાન સામેની મેચમાં પણ ભારતીય ટીમ પોતાની વિજયી કૂચ જાળવી રાખવાના ઈરાદા સાથે મેદાનમાં ઉતરશે.
પાકિસ્તાનની વર્તમાન સ્થિતિ અને સેમિફાઇનલનું સમીકરણ
પાકિસ્તાની ટીમની વાત કરીએ તો, તેમણે મહિલા એશિયા કપ ૨૦૨૬ માં પોતાના અભિયાનની શરૂઆત થાઇલેન્ડ સામે ૩૫ રનની જીત સાથે કરી હતી. આ જીત સાથે પાકિસ્તાને ટૂર્નામેન્ટમાં પોતાના પ્રથમ ૨ પોઈન્ટ મેળવી લીધા હતા. ગ્રુપ સ્ટેજમાં પાકિસ્તાનની ટીમે થાઇલેન્ડ સિવાય હોંગકોંગ સામે પણ મેચ રમવાની છે.
જ્યાં ભારતીય ટીમ સેમિફાઇનલમાં પહોંચીને તણાવમુકત થઈને પાકિસ્તાન સામે રમશે, ત્યાં પાકિસ્તાન માટે પોતાની આગામી મેચો ખૂબ મહત્વની બની રહેવાની છે. જાકે, હોંગકોંગ સામેની મેચ બાકી હોવાથી પાકિસ્તાનનું પણ આગામી રાઉન્ડમાં પહોંચવું લગભગ નક્કી જ માનવામાં આવે છે. ૫ સપ્ટેમ્બરે દુબઈના મેદાન પર ભારતીય
