નોકરીની સાથે ફ્રીમાં મેળવો એડવાન્સ સ્કીલ્સ! SBI અને edX લાવ્યા શાનદાર ઓનલાઈન કોર્સિસ
આજના સમયમાં માત્ર કોલેજ કે યુનિવર્સિટીની ડિગ્રી હોવી જ પૂરતી નથી. ઝડપથી બદલાતી ટેકનોલોજી અને જોબ માર્કેટની જરૂરિયાતોને ધ્યાનમાં રાખીને જાતને અપગ્રેડ કરવી એટલે કે નવી સ્કીલ્સ શીખવી ખૂબ જ જરૂરી બની ગઈ છે. જો તમે પણ આર્ટિફિશિયલ ઇન્ટેલિજન્સ (AI), ડિજિટલ માર્કેટિંગ અથવા ફાઇનાન્સ જેવી આધુનિક સ્કીલ્સ શીખવાનું વિચારી રહ્યા છો, તો તમારા માટે એક શાનદાર તક છે. દેશની સૌથી મોટી સરકારી બેંક, સ્ટેટ બેંક ઓફ ઇન્ડિયા (SBI) તેના ઓનલાઈન લર્નિંગ પ્લેટફોર્મ edX ના માધ્યમથી અનેક શ્રેષ્ઠ કોર્સિલ બિલકુલ મફતમાં ઉપલબ્ધ કરાવી રહી છે.
આવો વિસ્તારથી જાણીએ કે SBI ના આ કોર્સિસમાં તમને શું-શું શીખવા મળશે અને તમે તેનો લાભ કેવી રીતે મેળવી શકો છો.
કયા વિષયો પર મળી રહ્યા છે કોર્સ?
edX પ્લેટફોર્મ પર SBI દ્વારા ઓફર કરવામાં આવતા કોર્સમાં એવા વિષયોનો સમાવેશ થાય છે જેની બિઝનેસ અને કરિયર ક્ષેત્રે ખૂબ માંગ છે. મુખ્ય શ્રેણીઓમાં નીચેનાનો સમાવેશ થાય છે:
આર્ટિફિશિયલ ઇન્ટેલિજન્સ (AI) અને જનરેટિવ AI: આ લિસ્ટમાં સૌથી ખાસ કોર્સ ‘AI and Generative AI for Business Automation’ છે. આ એવા લોકો માટે વરદાન સાબિત થઈ શકે છે જે સમજવા માગે છે કે આર્ટિફિશિયલ ઇન્ટેલિજન્સનો ઉપયોગ કરીને બિઝનેસ પ્રક્રિયાઓને સરળ અને ઓટોમેટ કેવી રીતે કરી શકાય. સૌથી સારી વાત એ છે કે આ કોર્સ કરવા માટે કોઈપણ પ્રકારના કોડિંગ કે ટેકનિકલ બેકગ્રાઉન્ડની જરૂર નથી. આ ઉપરાંત, ફાઇનાન્સ સેક્ટર માટે ‘Generative AI and its Applications in Finance’ અને ‘Introduction to Machine Learning for Finance’ જેવા કોર્સ પણ ઉપલબ્ધ છે.
માર્કેટિંગ અને ડિજિટલ સ્કીલ્સ: જો તમારી રૂચિ ડિજિટલ માર્કેટિંગ કે કન્ટેન્ટ ક્રિએશનમાં છે, તો SBI પાસે તમારા માટે ‘Content Marketing Strategy’ જેવા શ્રેષ્ઠ કોર્સિસ છે. તેમાં તમને શીખવવામાં આવે છે કે કેવી રીતે દમદાર કન્ટેન્ટ તૈયાર કરવું, તેને પ્રમોટ કરવું અને સાચા ગ્રાહકો સુધી પહોંચાડવું. આ ઉપરાંત ‘Relationship Marketing Strategy’ અને ‘Marketing Psychology’ જેવા કોર્સ પણ યાદીનો હિસ્સો છે.
ફાઇનાન્સ અને બેંકિંગ: ફાઇનાન્સમાં રસ ધરાવનારાઓ માટે ‘Introduction to Behavioural Finance’, ‘Financial Markets and Products’, ‘Ratio Analysis Fundamentals’ અને ‘Financial Management of Enterprise’ જેવા શાનદાર વિકલ્પો ઉપલબ્ધ છે. ‘બિહેવિયરલ ફાઇનાન્સ’ કોર્સમાં એ શીખવવામાં આવે છે કે માનવીય વિચાર, ભાવનાઓ અને મનોવૈજ્ઞાનિક પરિબળો નાણાકીય નિર્ણયોને કેવી રીતે પ્રભાવિત કરે છે.
પર્સનલ બ્રાન્ડિંગ: આજના સમયમાં પોતાની ઓળખ ઊભી કરવી એટલે કે પર્સનલ બ્રાન્ડિંગ ખૂબ જ જરૂરી છે. SBI ના આ કોર્સમાં તમને શીખવવામાં આવે છે કે પર્સનલ બ્રાન્ડ કેવી રીતે વિકસિત કરવામાં આવે છે અને તેના માટે કઈ-કઈ સ્કીલ્સની આવશ્યકતા હોય છે. રિપોર્ટ અનુસાર, આ પર્સનલ બ્રાન્ડિંગ કોર્સ 25 સપ્ટેમ્બરથી શરૂ થઈને 30 ડિસેમ્બર 2026 સુધી ચાલવાનો છે.
કેવી રીતે મેળવશો આ કોર્સનો ફાયદો?
કેવી રીતે મેળવશો આ કોર્સનો ફાયદો?આ ઓનલાઈન કોર્સિસની સૌથી મોટી ખાસિયત તેની ફ્લેક્સિબિલિટી છે. તમે તમારા અભ્યાસ અથવા નોકરીની સાથે-સાથે તમારી અનુકૂળતા મુજબ તેને પૂરા કરી શકો છો.
ફ્રી ઓડિટ (Free Audit): તમે edX પ્લેટફોર્મ પર જઈને આ કોર્સિસને બિલકુલ મફતમાં Audit કરીને ભણી શકો છો. એટલે કે અભ્યાસનું આખું મટીરિયલ તમારા માટે ફ્રી રહેશે.
સર્ટિફિકેટ વિકલ્પ: જો તમે કોર્સ પૂરો કર્યા પછી અધિકૃત Verified Certificate ઈચ્છતા હો, તો તેના માટે તમારે નક્કી કરેલી ફી ચૂકવવી પડશે.
જો તમે તમારા કરિયરને નવી ગતિ આપવા માગો છો અને ઘર બેઠા દુનિયાની આધુનિક સ્કીલ્સ શીખવા માગો છો, તો SBI અને edX ની આ પહેલ તમારા માટે અત્યંત ફાયદાકારક સાબિત થઈ શકે છે.
