કોરોના સંક્રમણ પછી, રેલ્વે વિભાગ મેલ અને એક્સપ્રેસ ટ્રેનોને વિશેષ ટ્રેનો તરીકે ચલાવી રહ્યો હતો. જે હવે ફરી સામાન્ય કરવામાં આવી રહી છે. હોલિડે સ્પેશિયલ, મેલ અને એક્સપ્રેસ ટ્રેન સેવાઓ પહેલા જેવી જ રહેશે. આ ટ્રેનોના વિશેષ ભાડા નાબૂદ કરવામાં આવશે. પરિણામે મુસાફરોએ હવે પહેલા જેટલું જ ભાડું ચૂકવવું પડશે. રેલવે મંત્રાલય દ્વારા જારી કરાયેલા પરિપત્રમાં કહેવામાં આવ્યું છે કે, ‘આ આદેશો ટૂંક સમયમાં લાગુ કરવામાં આવશે. જો કે, હજુ સુધી કોઈ ફેરફાર કરવામાં આવ્યો નથી અને મુસાફરોએ વધારાનું ભાડું ચૂકવવું પડશે કારણ કે આ ક્યારે થશે તે સ્પષ્ટ નથી.
આગામી થોડા દિવસોમાં 1700 થી વધુ પ્રી-કોરો ટ્રેનોને નિયમિત ટ્રેનો તરીકે પુનઃસ્થાપિત કરવામાં આવશે.રેલવે મંત્રાલય દ્વારા ગઈ કાલથી એટલે કે શુક્રવારથી તમામ ટ્રેનોને દોડાવવાની અધિકારીઓએ આદેશ જાહેર કરી દીધા છે. આજ રોજ શનિવારે રેલવે ટિકિટના સમયપત્રકમાં કોઈ ફેરફાર કરવામાં આવ્યો નથી.
રેલ્વે સૂત્રોના જણાવ્યા અનુસાર, શનિવારે પણ રેલ્વે ટિકિટિંગ કાર્યક્રમમાં કોરોના સમયગાળા દરમિયાન ચાલતી વિશેષ ટ્રેનોના વર્ગમાં કોઈ ફેરફાર કરવામાં આવ્યો નથી. તેથી રેલ્વે મંત્રાલયના આદેશનો આજથી અમલ કરવામાં આવ્યો નથી. ટિકિટ બુકિંગના સમયપત્રકમાં ફેરફારના અમલીકરણ સાથે, વિશેષ ટ્રેનો નિયમિત બનશે અને ભાડામાં 30 ટકાનો ઘટાડો થશે.
