બોલિવુડ અભિનેતા સલમાન ખાન આજે અમદાવાદના મહેમાન બન્યા છે. સલમાન ખાન અમદાવાદમાં આવેલા ગાંધી આશ્રમની મુલાકાત લીધી છે. જાણવા મળી રહ્યું છે કે બોલિવુડ અભિનેતા સલમાન ખાન પોતાની નવી ફિલ્મ ‘અંતિમ’ના પ્રમોશન માટે અમદાવાદ આવ્યા છે. કોરોના મહામારી બાદ પ્રથમવાર બોલિવુડ ભાઈજાન ફિલ્મના પ્રમોશન માટે ગુજરાત મુલાકાતે આવ્યા છે. અભિનેતા સલમાન ખાન અમદાવાદની મુલાકાતે આવ્યા છે ત્યારે આજે તેમને ફિલ્મના પ્રમોશન દરમિયાન સાબરમતી આશ્રમની મુલાકાત લીધી છે. આ મુલાકાતમાં તેમણે રેંટિયો ચલાવ્યો હતો. સલમાનખાન શહેરમાં પહોંચતાં જ ગાંધી આશ્રમ પાસે ચાહકોના ટોળે ઉમટ્યાં હતાં.
બોલિવુડની અપકમિંગ ફિલ્મ ‘અંતિમ’ના પ્રમોશન માટે ભાઈજાન અમદાવાદમાં આવ્યા હતા ત્યારેકલાક સાથે સલમાન ખાને જણાવ્યું હતું કે- ચરખા ચલાના શીખ લીયા હું મારી જાતને ભાગ્યશાળી માનું છું. મને ગાંધી આશ્રમ ખૂબ જ ગમ્યો. ગાંધી આશ્રમમાં ફરી આવવાની મારી ઈચ્છા છે. હું ક્યારેય આ પવિત્ર જગ્યાને નહીં ભૂલું. સલમાન ખાને આશ્રમની વિઝિટર બુકમાં એક સંદેશ લખ્યો હતો. અહીં આવીને હું મારી જાતને ભાગ્યશાળી માનું છું. મને આ જગ્યા ખૂબ જ ગમી. અહીં આવવું મોટું સન્માન છે. હું ક્યારેય આ જગ્યાને નહીં ભૂલું. ચરખા પર પહેલીવાર હાથ અજમાવવો ખૂબ જ અદભુત અનુભવ રહ્યો. પરમાત્મા ગાંધીજીની આત્માને શાંતિ આપે. હું અહીં આવવા માગીશ અને વધુ શીખવા માગીશ.
બોલિવુડ અભિનેતા સલમાન ખાન અને આયુષ શર્માની આ ફિલ્મ ‘અંતિમ: ધ ફાઈનલ ટ્રુથ’ એક મરાઠી ફિલ્મ ‘મુળશી પેટર્ન’ની રિમેક છે. આ ફિલ્મથી ગુજરાતી એક્ટ્રેસ મહિમા મકવાણાએ ડેબ્યુ કર્યું છે. ફિલ્મમાં સલમાન ખાન પોલીસના અવતારમાં છે અને નીડર સરદારની ભૂમિકામાં છે. સલમાનને પોતાનો શર્ટ ફાડીને ગુંડાઓને મારતો બતાવાયો છે. ફિલ્મમાં આયુષ શર્મા અને મહિમા મકવાણાની લવ કેમેસ્ટ્રી છે. આ ફિલ્મથી એક્ટ્રેસ મહિમા મકવાણાએ ડેબ્યુ કર્યું છે. આ ફિલ્મ નાના શહેરના યુવક રાહુલ આયુષ શર્માની કહાની છે જે પૂનાનો ખતરનાક ભૂ-માફિયાઓ પૈકીનો એક બની જાય છે. તે ઘણાં દુશ્મનો બનાવે છે અને કાયદો તોડે છે. ત્યારે તેની સામે ઈન્સ્પેક્ટર રાજવીર સિંહ સલમાન ખાનના અડચણરૂપ બને છે જે શહેરનો સંપૂર્ણ ક્રાઈમ ખતમ કરવા માગે છે. આયુષ શર્મા મજબૂત બોડી સાથે જોવા મળી રહ્યો છે અને સલમાન ખાન સાથે બોન્ડિંગ બનાવવાનાપ્રયત્ન કર્યા છે
