ડિસેમ્બરના પહેલા દિવસે પેટ્રોલિયમ કંપનીઓએ સામાન્ય માણસને આંચકો આપ્યો છે. દેશમાં કોમર્શિયલ સિલિન્ડર (એલપીજી કિંમત)ની કિંમતમાં 100 રૂપિયા સુધીનો વધારો કરવામાં આવ્યો છે. આનાથી રેસ્ટોરન્ટનું ખાવા-પીવાનું મોંઘું થઈ શકે છે.
આ વધારા સાથે હવે દિલ્હીમાં 19 કિલોના કોમર્શિયલ સિલિન્ડરની કિંમત 2101 રૂપિયા થઈ ગઈ છે. નવેમ્બર મહિનામાં તેની કિંમત 2000.50 રૂપિયા હતી. જોકે, ઘરેલું વપરાશ માટે 14.2 કિલો એલપીજીની કિંમતમાં કોઈ વધારો કરવામાં આવ્યો નથી. કોમર્શિયલ સિલિન્ડરની કિંમત રેસ્ટોરન્ટના માલિકો સહિત અનેક સેક્ટરો પરના ધંધાદારીઓના લોકો પર બોજ વધશે, જે અંતે તો સામાન્ય વ્યક્તિના ખિસ્સા સુધી પહોંચી જ જશે.
નોંધનીય છે કે ઘરેલુ એલપીજી અને કોમર્શિયલ સિલિન્ડર બંનેની કિંમતો ઘણી વધારે છે. ઘણા રાજકારણીઓએ કહ્યું કે એક્સાઈઝ ડ્યુટીના ભાવમાં ઘટાડો કરવામાં આવતા પેટ્રોલ અને ડીઝલ બંનેના ભાવમાં આંશિક ઘટાડો થયો છે. જોકે હવે મોદી સરકારે પ્રયાસ કરવો જોઈએ કે એલપીજી સિલિન્ડરની કિંમત પણ ઓછી કરવામાં આવે.
