હેલિકોપ્ટર દુર્ઘટના સંબંધિત અન્ય એક મહત્વપૂર્ણ સમાચાર ધ હિન્દુ દ્વારા પેજ નંબર 8 પર પ્રકાશિત કરવામાં આવ્યા છે. આ સમાચાર અનુસાર, તામિલનાડુ પોલીસે ગુરુવારે ધુમ્મસવાળા હવામાનમાં ઓછી દૃશ્યતા વચ્ચે કુન્નુરમાં અકસ્માત સ્થળ પર ડ્રોન ઉડાવ્યું અને પુરાવા એકત્રિત કરવાનો પ્રયાસ કર્યો.
પોલીસ સૂત્રોના જણાવ્યા અનુસાર ભારતીય વાયુસેનાના અકસ્માત તપાસ બોર્ડના અધિકારીઓએ અગાઉ અકસ્માત સ્થળની મુલાકાત લીધી હતી. તમિલનાડુના એક વરિષ્ઠ પોલીસ અધિકારીએ ધ હિંદુને જણાવ્યું, “અમે કેસ નોંધ્યો છે અને પ્રત્યક્ષદર્શીઓ સિવાય લોકોની પૂછપરછ શરૂ કરી છે. એરફોર્સ પાસે એરક્રાફ્ટ ફોરેન્સિક જેવી ટેકનિકલ બાબતોમાં નિષ્ણાત છે. તેમની પાસે આ કેસોની તપાસનો અનુભવ પણ છે.
એક અધિકારીએ ધ હિંદુને જણાવ્યું, “ગુરુવારે બપોરથી, ધુમ્મસને કારણે દૃશ્યતા નબળી છે. જ્યારે હવાઈ દ્રશ્યો માટે હવામાન સારું હશે ત્યારે ડ્રોન ઉડાડવામાં આવશે. આ વીઆઈપી હેલિકોપ્ટર બે પહાડોની વચ્ચે ચાના બગીચામાં ક્રેશ થયું હતું. અહીંથી ગામનું અંતર માત્ર 100 મીટર છે.
કેવી રીતે થયું હેલિકોપ્ટર ક્રેશ?
જ્યારે આ પ્રશ્ન અંગે નિવૃત્ત સ્ક્વોડ્રન લીડર દીપ્તિ કલા સાથે વાત કરવામાં આવી તો તેમણે કહ્યું કે, ધુમ્મસની ડેન્સિટી અને દૃશ્યતા વિશેની માહિતી પાયલટને પહેલેથી જ આપવામાં આવે છે અને તેના કેટલાક માપદંડો છે. જો વિઝિબિલિટી ડાઉન હોય તો ફ્લાઈંગ થશે નહીં, અથવા જ્યાં વચ્ચે હવામાન ખરાબ થઈ જશે તો પાઈલટને ખબર છે કે તેના માટે શું કરવું જોઈએ. પાઇલોટ્સ કાં તો નજીકમાં ઉતરશે અથવા હવામાન સારું થાય ત્યાં સુધી રાહ જોશે. પાયલોટને દરેક બાબતની જાણ કરવામાં આવે છે.
આવી સ્થિતિમાં બીજો સવાલ એ થાય છે કે શું હેલિકોપ્ટર એન્જિનમાં ખામીને કારણે ક્રેશ થયું હતું? આ સવાલના જવાબમાં રિટાયર્ડ ગ્રુપ કેપ્ટન અમિતાભ રંજને કહ્યું કે MI-17 હેલિકોપ્ટરની ખાસિયત એ છે કે તેના એક એન્જિનમાં પણ એટલી શક્તિ છે કે તે ગમે ત્યાંથી બહાર આવી શકે છે, તે લેન્ડ કરી શકે છે. આ બે એન્જિનનું હેલિકોપ્ટર છે, બંને સતત સાથે કામ કરે છે. એવું નથી કે ઈમરજન્સી સમયે એક બંધ હોય અને એક ચાલું હોય.
બંને એન્જિન એક સાથે ના થઈ શકે બંધ
તેમણે કહ્યું કે હેલિકોપ્ટરની ઉડાનથી ઠિક પહેલા સેમ્પલિંગ કરવામાં આવે છે, જો કોઈ કારણસર ઈંધણમાં એવું તત્વ આવી જાય કે એક એન્જિન બંધ થઈ ગયું તો બીજું એન્જિન બંધ થશે નહીં. બંને એન્જિન એકસાથે બંધ થતાં નથી.
IAF ના MI-17 V5 હેલિકોપ્ટરને ત્રણ વર્ષ સુધી ઉડાવવાનો અનુભવ ધરાવતા નિવૃત્ત ગ્રૂપ કેપ્ટન અમિતાભ રંજને એન્જિનમાં ખામી હોવાની શક્યતાને નકારી કાઢી હતી.
હવે આવી સ્થિતિમાં લોકોના મનમાં સવાલ ઉઠી રહ્યો છે કે છેલ્લી સાત મિનિટમાં શું થયું? જેની તપાસ એરફોર્સ વતી એર માર્શલ માનવેન્દ્ર સિંહની આગેવાની હેઠળની ટીમ કરી રહી છે.
દરેક રહસ્ય બ્લેક બોક્સ ખોલશે
હેલિકોપ્ટર દુર્ઘટના સંબંધિત તમામ સચોટ માહિતી માટે હવે તમામ આશા બ્લેક બોક્સ પાસે છે જે કોઈપણ એરક્રાફ્ટ-હેલિકોપ્ટરના તમામ રહસ્યોને એકત્રિત કરે છે. તપાસ દરમિયાન બ્લેક બોક્સ મળી આવ્યું છે. તેથી ટૂંક સમયમાં દૂર્ઘટના અંગે મહત્વપૂર્ણ સમાચાર સામે આવી શકે છે.
એવું માનવામાં આવે છે કે બ્લેક બોક્સ 70 ટકા સુધી દરેક ક્રેશની માહિતી આપી દેતું હોય છે. કુન્નુર હેલિકોપ્ટર દુર્ઘટનામાં ઘણા સવાલોના જવાબ બ્લેક બોક્સે જ આપવા પડશે.