આજે રાહુલ અને PM મોદી બીજા તબક્કા માટે કરશે પ્રચાર

ગુજરાત વિધાનસભા ચૂંટણીમાં પહેલા તબક્કા માટે ચૂંટણી પડઘમ શાંત થયા બાદ કોંગ્રેસ અને ભાજપે બીજા તબક્કા માટે પોતાની અેડી ચોટીનું જોર લગાવી દીધુ છે. પ્રધાનમંત્રી નરેન્દ્ર મોદી અને કોંગ્રેસ ઉપાધ્યક્ષ રાહુલ ગાંધી શનિવારે બીજા તબક્કાની ચૂંટણી માટે પ્રચાર રેલીઓ કરશે.
PM નરેન્દ્ર મોદીની આજે બડોલી, આણંદ, મહેસાણા, લુણાવાડામાં ચૂંટણી સભા સંબોધિત કરશે. PM સૌથી પહેલા લુણાવાડા, ત્યારબાદ બડોલી અને બપોરે એક વાગ્યે આણંદ અને મહેસાણામાં ચૂંટણી રેલી કરશે.
કોંગ્રેસ ઉપાધ્યક્ષ રાહુલ ગાંધી આજે પાટણ જિલ્લાના હારિજ, બનાસકાંઠાના કનોડર, મહેસાણાના વડનગર અને વીજાપુરમાં જનસભા સંબોધિત કરશે. કોંગ્રેસ ઉપાધ્યક્ષ આજે PM મોદીના ગઢ વડનગરમાં રેલી કરી રહ્યા છે. PM મોદીનું બાળપણ વડનગરમાં જ પસાર થયું છે. PM મોદી ઘણી બધી રેલીઓમાં પોતાને વડનગરનો પુત્ર કહી ચૂક્યા છે.
અામ, રાહુલ અને PM મોદી સતત મતદારોને પોતાની તરફ અાકર્ષિત કરવા અને રિઝવવા મથી રહ્યા છે.