બાણેજના એક માત્ર મતદારે કર્યું મતદાન

સમગ્ર દેશમાં એક માત્ર મતદાન મથક એવું છે જે મતદાન મથક પર એક જ મતદાતા છે અને અેક જ મત પડે છે. ગુજરાતનું આ મતદાન મથક ગીરના ગાઢ જંગલમાં આવેલુ છે. જ્યાં રહેતા મહંતના એક વોટની કિંમત એટલી છે કે તેના માટે ખાસ મતદાન મથક ઉભું કરવામાં આવે છે.
ગીર સોમનાથ જિલ્લાના ઉના વિધાનસભાના મત વિસ્તારમાં મહંત ભરતદાસ બાપુ એક માત્ર મતદાતા છે. ગીરના ગાઢ જંગલમાં બાણેજ આશ્રમમાં એકલા રહેતા મહંત ભરતદાસ બાપુ અહીં એક માત્રમતદાતા છે. જેના માટે ભારતીય ચૂંટણી પંચ દ્વારા ખાસ મતદાન મથક ઉભુ કરાય છે. જેમાં પ્રથમ તબક્કામાં આ મત વિસ્તાર આવતો હોય સવારમાં જ મહંતે મતદાન કરીને પોતાની ફરજ અદા કરી હતી.
અા વાતથી અેક મતદાનની કિમત કેટલી હોય છે તે જાણી શકાય છે.