વાપીમાં બોગસ મતદાર મહિલા ઝડપાઇ, જૂઓ વીડિયો

વલસાડ જિલ્લામાં ચાલી રહેલા મતદાનમાં સવારે વીવીપેટ, ઈવીએમના ખોટકાયા બાદ સાંજે વાપીમાં જ્ઞાનધામ સ્કૂલમાં બોગસ મહિલા વોટર ઝડપાતા કોંગ્રેસ ઉમેદવારે પોતાનો રોષ વ્યક્ત કર્યો હતો અને ભાજપ સવારથી આવા અનેક ગતકડા કરી રહ્યુ હોવાનો આક્ષેપ કર્યો હતો.
વાપીની જ્ઞાનધામ સ્કૂલ ખાતે મતદાન મથકમાં એક શંકાસ્પદ મહિલા મતદારની કોંગ્રેસના એજન્ટો દ્વારા પૂછપરછ કરતા બોગસ મતદાર હોવાનું બહાર આવ્યું હતું. બોગસ મહિલા મતદાર ઝડપાતા બૂથ પર ચકચાર મચી ગઇ હતી અને કોંગ્રેસે પોતાનો આક્રોશ ઠાલવ્યો હતો.
આ અંગે પારડી વિધાનસભાના કોંગ્રેસના ઉમેદવાર ભરત પટેલે વિગતો આપી હતી કે મહિલાનું નામ શાંતાબેન છે પરંતુ તેની વોટર સ્લીપ પર નિતાબેન શાહ નામ છે અને તે બોગસ મતદાન કરવા આવ્યા હતાં.  વધુમાં ભરત પટેલે જણાવ્યું હતુ કે ભાજપ ગભરાઈ ગઇ છે. અને એટલે સવારથી જ વિવિધ પ્રકારના ગતકડા કરી રહી છે કોંગ્રેસના બીએલઓને મતદાન મથકમાં જતા રોકે છે. પૈસા વેચી મતદારો પાસે બીજેપી તરફી મતદાન કરાવી રહ્યા છે. કોંગ્રેસી મતદાર વિસ્તારોમાં ઇવીએમ વીવીપેટમાં ખોટસર્જી રહ્યા છે હું પોતે વકિલ છું અને આ અંગે કોર્ટમાં ધા નાખી ચોક્કસ ન્યાય મળે તે માટે લડીશ