વલસાડના અતુલ ઓવરબ્રિજ પર સર્જાયો અકસ્માત

વલસાડના અતુલ ઓવરબ્રિજ પર અમદાવાદથી મુંબઈ જતી ટ્રેક પર ક્રેઈન નં.જીજે-15-બીબી 9666ની એક્સલ તૂટી જતાં માર્ગની વચ્ચે ખોટકાઈ ગઈ હતી.
ઘટના દરમિયાન સુરતથી માલ ખાલી કરી પરત વાપી ફરતા પિકઅપવાનના ચાલક પીઠાભાઈ ચારણ તેમની આગળ ચાલી રહેલી ટ્રકની પાછળ વાન ચલાવી રહ્યા હતા. તે દરમિયાન ટ્રકના ચાલકે અચાનક બ્રેક મારતાં પિકઅપવાન ધડાકાભેર ટ્રકની પાછળ ઘૂસી ગઈ હતી. હાઈવ પર ટ્રાફિક જામ થઈ ગયો હતો. પીકઅપની કેબીનમાં ફસાયેલા અને વાપી રહેતા ચાલક પીઠાભાઈ ચારણને હાઈવે પર દોડી આવેલા લોકોએ મહામહેનતે બચાવી લીધા હતા. જો કે, તેમને પેટમાં અને માથાના ભાગે ઈજા પહોંચી હતી. દોડી આવેલી 108ની ટીમ ઈજાગ્રસ્ત ચાલકને કોઈ પ્રાથમિક સારવાર આપ્યા વગર પરત ચાલી ગઈ હતી, તેવો આક્ષેપ ચાલક પીઠાચારણે કર્યો હતો.