રાહુલ ગાંધી અને વડાપ્રધાન મોદીએ કેટલો સમય પસાર કર્યો ગુજરાતમાં જાણો અમારી સાથે

ગુજરાત ચૂંટણી પ્રચાર પડઘમ મંગળવારથી શમી ગયા છે, હવે વારો રાજ્યના મતદાતાઓનો છે.બીજા તબક્કાની 93 બેઠકો પર 14 ડિસેમ્બર ગુરુવારે મતદાન થશે. ભાજપ અને કોંગ્રેસ બંને પક્ષોએ ગુજરાતમાં સત્તાની લગામ મેળવવા સંપૂર્ણ શક્તિ લગાવી દીધી છે.
ગુજરાતમાં ભાજપનો ચહેરો અેટલે વડાપ્રધાન મોદી અને કોંગ્રેસ અેટલે રાહુલ ગાંધી.બંને દિગ્ગજોએ મતદારોને અાકર્ષવા કોઈ કસર નથી છોડી.વડાપ્રધાન મોદીએ ગુજરાતમાં રાહુલ કરતાં અોછો સમય વિતાવ્યો તો રાહુલ કરતા વધુ 4 રેલીઓ કરી.અા રેસમાં મોદી અાગળ નીકળી ગયા.
ગુજરાતમાં 25મી ઓક્ટોબરના રોજ ઔપચારિક એલાન પછીથી વડાપ્રધાન નરેન્દ્ર મોદી રાજ્યના ચૂંટણી પ્રચારમાં ઉતર્યા. તેઓ સૌથી વધુ રેલીઓ સંબાધી. નરેન્દ્ર મોદીએ 27 નવેમ્બરે ભૂજથી ચૂંટણી પ્રચારની શરૂઆત કરી. મોદીએ ગુજરાતમાં ભાજપને છઠ્ઠી વખત જીતવા માટે 34 રેલીઓ ગજાવી. મોદીએ આ તમામ રેલીઓ 10 દિવસમાં કરી હતી. અા સિવાય ભાજપના અધ્યક્ષ અને ચાણક્ય ગણાતા અમિત શાહે પણ લગભગ 31 ચૂંટણી રેલીઓ ગજાવી.
ગુજરાતમાં કૉંગ્રેસનો સત્તાનો વનવાસને દૂર કરવા માટે રાહુલ ગાંધીએ ચૂંટણીની જાહેરાત બાદ તેમની પહેલી રેલી ગુજરાતમાં વલસાડથી શરૂઆત કરી હતી. ત્યાર બાદ રાહુલ ગાંધીએ 30 ચૂંટણી જનસભાઓ કરી હતી. આ ઉપરાંત, રાહુલ ગાંધીએ ચૂંટણી પ્રચારમાં 12 મંદિરોમાં માથુ ટેકવ્યુ અાશિર્વાદ મેળવ્યા હતા. રાહુલે તેમની તમામ રેલીઓ 14 દિવસમાં કરી હતી.