ગીર અને સોમનાથના વેરાવળ ખાતે કૉંગ્રેસ સમર્થિત સરપંચોના સન્માન સમારંભમાં ધારાસભ્ય વિમલ ચૂડાસમાનું વિવાદાસ્પદ નિવેદન સામે આવ્યું છે જાહેર મંચ પરથી ધારાસભ્યએ અધિકારીઓને ધમકી આપતાં કહ્યું હતું કે 2022માં કૉંગ્રેસની જ સરકાર બનવાની છે જે અધિકારીઓએ કોંગ્રેસના કાર્યકર્તાઓને હેરાન કર્યો હશે તેનો હિસાબ કરવામાં આવશે.ધારાસભ્ય વિમલ ચૂડામસાએ કહ્યું હતું કે સરકારી કાર્યક્રમોમાં નિયમ મુજબ ભાજપના કાર્યકર્તાઓ અને હોદ્દેદારોની માફક કોંગ્રેસના હોદ્દેદારોને પણ આમંત્રણ આપવાનું હોય છે પરંતુ સરકારી કાર્યક્રમોમાં ક્યારેક કાર્યકર્તાઓ અને હોદ્દેદારો તો દૂર પણ કોંગ્રેસના ધારાસભ્યોને પણ આમંત્રણ અપાતું નથી.વિમલ ચૂડાસમાએ જાહેર મંચ પરથી કહ્યું હતું કે ભાજપનો કાર્યકર્તા અધિકારીની બદલી કરાવી શકશે પણ કૉંગ્રેસનો ધારાસભ્ય તો ઘરે જ બેસાડી દેશે અધિકારીઓ સમજી જાય કે 2022માં કૉંગ્રેસની સરકાર જ આવવાની છે જે અધિકારીઓએ કૉંગ્રેસના કાર્યકર્તાઓને પરેશાન કર્યા હશે તેનો પાઇ પાઇનો હિસાબ થશે.
