નરેન્દ્ર મોદી વગર અામંત્રણે દોડ્યા હતા પાકિસ્તાન : મનમોહન સિંહ

ગુજરાત વિધાનસભા ચૂંટણીમાં પાકિસ્તાનના મુદે રાજકોરણ ગરમાયું હતુ. આ મામલે પૂર્વ વડાપ્રધાન મનમોહન સિંહે પી.એમ. નરેન્દ્ર મોદી પર નિશાન તાક્યું છે તેમણે જણાવ્યું હતું કે, મોદીના ભ્રામક પ્રચારથી દુ:ખી છું, મારા ઉપર પ્રશ્ન ઉઠાવવા ખોટા છે. તેઓ જણાવ્યું હતુ કે નરેન્દ્ર મોદી યાદ છે ને કે તેઓ વગર અામંત્રણે દોડ્યા હતા પાકિસ્તાન. અૈયરના ઘરે પ્રસંગ પર ગુજરાત મામલે કોઈ ચર્ચા નથી થઈ. મનમોહન જણાવે છે કે પી.એમ. મોદી ગુજરાતમાં ચૂંટણી જીતવા માટે ખોટા ઉદાહરણ રજૂ કરી રહ્યા છે.
અાપને જણાવી દઈએ કે ચૂંટણી પ્રચાર દરમિયાન પી.એમ.મોદીએ ગુજરાતની રેલીમાં મનમોહન સિંહ પર અનેક આરોપો મૂક્યા હતા પી.એમ.એ દાવો કર્યો હતો કે કોંગ્રેસના મહાન નેતાઓ પાકિસ્તાનીઓને મળ્યા હતા અને તે પછી જ મણિશંકર અૈયરે તેમને ‘નીચ’ કહ્યા હતા.પી.એમ.નું કહેવું હતું કે આ બેઠકમાં મનમોહન સિંહ પણ સામેલ હતા. જોકે, આ વિવાદ થયા પછી મણિશંકર અૈયરને કોંગ્રેસે પાર્ટીમાંથી હાકી કાઢ્યા હતા.