પાંચ રાજ્યોની વિધાનસભા ચૂંટણી દરમિયાન રેલીઓ થવી જોઈએ કે કેમ તે અંગે ચૂંટણી પંચ શનિવારે એટલે કે આજે એક મહત્વપૂર્ણ બેઠક યોજવા જઈ રહ્યું છે. અત્યારે 22 જાન્યુઆરી સુધી રેલીઓ પર પ્રતિબંધ મુકવામાં આવ્યો છે. કેન્દ્રીય આરોગ્ય સચિવ સહિત રાજ્યોના અધિકારીઓ આજની બેઠકમાં હાજરી આપશે.ચૂંટણી પંચે 8 જાન્યુઆરીએ ઉત્તર પ્રદેશ, ઉત્તરાખંડ, ગોવા, પંજાબ અને મણિપુરમાં ચૂંટણીની તારીખોની જાહેરાત કરી હતી. ત્યારબાદ કોરોનાના વધતા જતા કેસોને જોતા રેલીઓ પર 15 જાન્યુઆરી સુધી પ્રતિબંધ મુકવામાં આવ્યો હતો. પ્રતિબંધ 22 જાન્યુઆરી સુધી લંબાવવામાં આવ્યો હતો.
કમિશને 300 લોકો અથવા હોલની ક્ષમતાના 50% સમાવવા માટે પાર્ટીઓની ઇન્ડોર મીટિંગની મંજૂરી આપી હતી. માત્ર સોશિયલ મીડિયા પર જ પ્રચાર કરવાની છૂટ હતી. આ પ્રતિબંધની મુદત આજે સમાપ્ત થઈ રહી છે.ઉત્તર પ્રદેશમાં 10 ફેબ્રુઆરીથી 7 માર્ચ સુધી 7 તબક્કામાં મતદાન થશે. ઉત્તરાખંડ અને ગોવામાં 14 ફેબ્રુઆરીએ એક સાથે મતદાન થશે. પંજાબમાં 20 ફેબ્રુઆરીએ જ્યારે મણિપુરમાં 27 ફેબ્રુઆરી અને 3 માર્ચે મતદાન થશે. દરેક જગ્યાએ પરિણામ 10 માર્ચે આવશે.
