નવા અધ્યક્ષ રાહુલ ગાંધી સામે અા છે પડકાર

રાહુલ ગાંધીના ખભે અાજે સત્તાવાર રીતે કોંગ્રેસ પાર્ટીની કમાન અાવી છે. દેશમાં સતત ઘટી રહેલ પાર્ટીના જનાધાર વચ્ચે અધ્યક્ષ બનેલ રાહુલ ગાંધી સામે અનેક મુશ્કેલ પડકાર ઉભા છે. રાહુલ ગાંધીએ માત્ર સંગઠન જ મજબુત બનાવવાનુ નથી પણ ચૂંટણીમાં સતત મળી રહેલ નિષ્ફળતાના સિલસિલાને પણ તોડવાનો છે. મોદી અને શાહના યુગમાં રાહુલ ગાંધીનો માર્ગ અનેક કાંટાઓથી ભરેલો છે. તેમની સામે પડકારો મોં ફાડીને ઉભા છે, તેનો સામનો રાહુલે કરવાનો છે. રાહુલ સામે સૌથી મોટો પડકાર પાર્ટીના સંગઠનને નવી તાકાત આપવાનો છે.
એક સમયે સમગ્ર દેશમાં રાજ કનાર પાર્ટી આજે માત્ર પાંચ રાજ્યો સુધી સમેટાઈ ગઈ છે. અનેક મોટા રાજ્યોમાં પાર્ટીને સત્તામાંથી દૂર થયે એક કે બે દાયકા થઈ ચુક્યા છે. સતત મળી રહેલ હારથી કાર્યકર્તાઓ પણ હતાશ છે. કેટલાય વર્ષોથી કોંગ્રેસને જોઈએ તેવી સફળતા મળી નથી. ગુજરાત સહિત અનેક રાજ્યોમાં પાર્ટી અલગ-અલગ નેતાઓના જુથો વચ્ચે વહેંચાયેલી છે. કેટલાક રાજ્યોમાં તો તણાવની સ્થિતિ એટલી વિકટ છે કે પાર્ટીની હાર-જીત સાઈડમાં રાખી આ નેતાઓ પોતાનુ વર્ચસ્વ કઈ રીતે તેની જ ચિંતામાં પડ્યા હોય છે.
કોંગ્રેસની ઈમેજ સુધારવા રાહુલે ઘણા પ્રયત્નો કર્યા છે. અા વખતે રાહુલે ભાજપને કડી ટક્કર અાપી છે. મોંઘવારી,ભ્રષ્ટાચાર, જીએસટી, બેરોજગારી, મહિલા સુરક્ષા જેવા અનેક મુદાઓ રાહુલે ઉપાડ્યા છે જેનો જવાબ અાપવો ભાજપને ભારે પડી રહ્યો છે.