Facebookની કંપની Metaને વધુ એક ફટકો, $200 મિલિયનનો દંડ, વેચવી પડશે આ એપ
ફેસબુકની પેરન્ટ કંપની મેટાને વધુ એક આંચકો લાગ્યો છે. યુકેમાં કંપનીને 150 મિલિયન પાઉન્ડનો દંડ ફટકારવામાં આવ્યો છે. આ સાથે કંપનીને પ્લેટફોર્મ વેચવાનો પણ આદેશ આપવામાં આવ્યો છે. આવો જાણીએ શું છે સમગ્ર મામલો.
ફેસબુકની મુસીબતો ઓછી થવાનું નામ નથી લઈ રહી. બ્રિટનના સ્પર્ધા નિયમનકારે ફેસબુકની કંપની મેટા પર 150 મિલિયન પાઉન્ડ અથવા $200 મિલિયનનો નવો દંડ લાદ્યો છે. આ દંડ અમેરિકન ફર્મ ગિફીની ખરીદી પર લગાવવામાં આવ્યો છે.
બ્રિટનની કોમ્પિટિશન એન્ડ માર્કેટ્સ ઓથોરિટી (CMA) એ છેલ્લાં કેટલાંક વર્ષોમાં ટેક કંપનીઓ પર ચુસ્તતા લાવવા માટે ઘણાં કડક પગલાં લીધાં છે. ઓથોરિટીએ મેટાને એનિમેટેડ ઈમેજીસ પ્લેટફોર્મ ગીફી વેચવાનો આદેશ આપ્યો છે.
તમને જણાવી દઈએ કે મેટા (અગાઉની ફેસબુક) એ મે 2020માં Giphyને $400 મિલિયનમાં ખરીદી હતી. જો કે, કંપનીએ તેની ડિજિટલ જાહેરાતો પર આ બાબતની અસર વિશે માહિતી આપી નથી. ઓથોરિટીએ કહ્યું કે મેટા ગીફી હેન્ડલિંગ માટેની તમામ જરૂરિયાતો પૂરી કરવામાં સક્ષમ નથી.
દંડ પહેલેથી જ વસૂલવામાં આવ્યો છે
આ પહેલીવાર નથી જ્યારે CMAએ ફેસબુક પર દંડ ફટકાર્યો હોય. અગાઉ ગયા વર્ષે ઓક્ટોબરમાં કંપનીએ ફેસબુક પર 505 મિલિયન પાઉન્ડનો દંડ લગાવ્યો હતો. તે સમયે ઓથોરિટીએ કંપની પર વિવિધ કારણોસર દંડ ફટકાર્યો હતો.
જો કે, શુક્રવારે મેટાએ CMAના દંડ પર પ્રતિક્રિયા આપી અને કહ્યું કે તે નવીનતમ દંડ સાથે સંમત નથી, પરંતુ દંડ ચૂકવશે. કંપનીના પ્રવક્તાએ કહ્યું, ‘અમે દંડ ચૂકવીશું, પરંતુ તે હેરાન કરનારું છે. CMA દ્વારા લેવામાં આવેલા નિર્ણયની સીધી અસર અમેરિકી કાયદા હેઠળ અમેરિકન કર્મચારીઓના અધિકારો પર પડશે.
પહેલીવાર ફેસબુક યુઝર્સમાં ઘટાડો થયો છે
છેલ્લા કેટલાક સમયથી મેટાની સમસ્યાઓ સતત વધી રહી છે. આ અઠવાડિયે, કંપનીએ તેના અહેવાલમાં પ્રથમ વખત ફેસબુકના સક્રિય વપરાશકર્તાઓની સંખ્યામાં ઘટાડો થવાની માહિતી આપી છે. આ જ કંપનીનો અંદાજ છે કે તેમની આવકમાં $10 બિલિયન સુધીનો ઘટાડો થઈ શકે છે. તેનું કારણ એપલનું એક પ્રાઈવસી ફીચર છે.
