ગ્રીષ્માના હત્યારા ફેનીલ ને હોસ્પિટલ માંથી રજા અપાઈ ; ફેનીલે ઝેરી દવા પીધા નું નાટક કર્યું હોવાનું ખુલ્યું ! કામરેજ પોલીસે કબ્જો મેળવ્યો

સુરત સિવિલ હોસ્પિટલમાં દાખલ ગ્રીષ્માના હત્યારા ફેનિલને હોસ્પિટલમાંથી રજા આપવામાં આવતા પોલીસ બંદોબસ્ત સાથે તેને કામરેજ પોલીસ સ્ટેશન લઈ જવાયો હતો, ડિસ્ચાર્જ થતા અને પોલીસને જોઈને ફેનિલ રડવા લાગ્યો હતો.
ગ્રીષ્મા ની હત્યા કર્યા બાદ આરોપી ફેનિલે પોતાના હાથ ઉપર ઇજા કરતા તેને સિવિલ હોસ્પિટલમાં સારવાર અર્થે દાખલ કરાયો હતો. જોકે,સિવિલ હોસ્પિટલોના ડોક્ટરોના જણાવ્યા પ્રમાણે ફેનિલે ઝેરી દવા પીધી હોવાનું માત્ર નાટક કર્યું હોવાનું સામે આવ્યું છે.
ઉપરાંત ફેનિલની હાથની નસ કાપવાનો પ્રયાસ કર્યો હતો પણ નસ કપાઈ ન હતી અને માત્ર ઇજા જ થઈ હતી જ્યાં 10 જેટલા ટાંકા આવ્યા છે. ફેનિલ ગોયાણીને 48 કલાકથી પ્લાસ્ટિક સર્જરી વિભાગમાં સારવાર અપાઈ રહી હતી અને હવે તબિયત સુધરતા તેને રજા આપી દેવાઈ હતી ત્યારબાદ તેને કામરેજ પોલીસે કબ્જો મેળવ્યો હતો.