જો તમે whatsapp માટે કોઈપણ થર્ડ પાર્ટી એપનો ઉપયોગ કરો છો. તો તરત જ આ કરવાનું બંધ કરો. આમ કરવાથી તમારો અંગત ડેટા લીક થઈ શકે છે, જેનો ઉપયોગ ખોટા હેતુઓ માટે થઈ શકે છે.જો તમે થર્ડ પાર્ટી એપ દ્વારા WhatsAppનો ઉપયોગ કરો છો, તો કંપની તમને કાયમ માટે બ્લોક કરી શકે છે. બીજી તરફ, ઘણા સ્માર્ટફોન યુઝર્સ તેમના ફોનને લોક રાખતા નથી.
આવી સ્થિતિમાં, તમારી ગેરહાજરીમાં કોઈ અન્ય તમારા WhatsAppનો QR કોડ સ્કેન કરી શકે છે. આ સાથે, તે વ્યક્તિ વેબ બ્રાઉઝર દ્વારા તમારા WhatsAppના તમામ અંગત ડેટાને સરળતાથી એક્સેસ કરી શકશે. આ કારણોસર તમારે તમારા WhatsApp માં લિંક કરેલ ઉપકરણ સત્રને તપાસતા રહેવું જોઈએ. અહીંથી તમે સરળતાથી જાણી શકશો કે તમારું વોટ્સએપ ક્યાં ક્યાં ઉપયોગમાં લેવાય છે.આ સિવાય તમારે તમારા સ્માર્ટફોન સાથે WhatsAppને પણ લોક રાખવું જોઈએ. આ સ્થિતિમાં તમને ડબલ પ્રોટેક્શન મળશે. તમારું WhatsApp પહેલા કરતા વધુ સુરક્ષિત રહેશે.
