ચાઈના ઈસ્ટર્ન એરલાઈન્સનું એક વિમાન ગુઆંગસી વિસ્તારમાં ક્રેશ થયું છે. કુનમિંગથી ગુઆંગઝૂ જતી આ ફ્લાઈટમાં 133 મુસાફરો હતા.
જે જેટ ક્રેશ થયું તે બોઇંગ 737 હતું. જાનહાનિનો આંકડો હજુ સુધી જાણી શકાયો નથી. પ્લેનમાં આગ લાગ્યા બાદ પર્વતીય વિસ્તારમાં પણ આગ લાગી હતી. ફ્લાઇટ નંબર MU 5735માં સવાર મુસાફરો સાથે અપ્રિય ઘટના બનવાની સંભાવના છે.
ચીનના એક ન્યૂસએજેન્સીના જણાવ્યા અનુસાર, આ બોઈંગે દક્ષિણ પશ્ચિમ યુનાન પ્રાંતના કુનમિંગ એરપોર્ટથી બપોરે લગભગ 1.15 વાગ્યે ઉડાન ભરી હતી. તે બપોરે 3.07 કલાકે દક્ષિણ ચીનના ગુઆંગડોંગ પ્રાંતના ગુઆંગઝોઉ એરપોર્ટ પર ઉતરવાનું હતું. સરકારી સમાચાર એજન્સી સિન્હુઆએ અહેવાલ આપ્યો છે કે રાહત અને બચાવ ટુકડીઓ ઘટના સ્થળે રવાના થઈ ગઈ છે.
આ અકસ્માત અંગે ચાઈના ઈસ્ટર્ન એરલાઈન્સનો સંપર્ક કરવાનો બાકી છે. ક્રેશ થયેલ બોઇંગ 162 સીટર છે. તેમાં બિઝનેસ ક્લાસમાં 12 અને ઈકોનોમી ક્લાસમાં 150 સીટો છે.અકસ્માતના સમાચાર ફેલાતાની સાથે જ, યુએસ શેરબજાર ખુલતા પહેલા ચાઈના ઈસ્ટર્ન એરલાઈન્સના શેર પ્રીમાર્કેટ ટ્રેડિંગમાં 10 ટકા તૂટ્યા હતા.
