શીલા દીક્ષિતનો જન્મ બ્રિટિશ શાસન દરમિયાન 21 માર્ચ 1938ના રોજ પંજાબના કપૂરથલામાં થયો હતો. તેણે પોતાનો અભ્યાસ દિલ્હીથી કર્યો હતો. કોન્વેન્ટ ઓફ જીસસ એન્ડ મેરી સ્કૂલમાં પ્રારંભિક શિક્ષણ પછી, શીલા દીક્ષિતે દિલ્હી યુનિવર્સિટીની મિરાન્ડા હાઉસ કોલેજમાંથી આર્ટ્સમાં સ્નાતક અને માસ્ટર ડિગ્રી મેળવી. બાદમાં પીએચડી કર્યું.તેણીના લગ્ન વિનોદ દીક્ષિત સાથે થયા હતા, જે પ્રખ્યાત સ્વાતંત્ર્ય સેનાની અને ભૂતપૂર્વ રાજ્યપાલ અને કેન્દ્રીય મંત્રી ઉમા શંકર દીક્ષિતના પુત્ર હતા. શીલા અને વિનોદ એક જ વર્ગમાં હતા. બંને પ્રેમમાં પડ્યા. ચાંદની ચોક પાસે બસમાં મુસાફરી કરતી વખતે વિનોદે શીલાને લગ્ન માટે પ્રપોઝ કર્યું હતું. જ્યારે મામલો પરિવાર સુધી પહોંચ્યો ત્યારે આંતરજ્ઞાતિય લગ્નના આડે આવતા મામલો ઠંડો પડી ગયો હતો. કૉલેજ પછી, વિનોદે વહીવટી સેવાની પરીક્ષા પાસ કરી અને શીલાએ દિલ્હીની એક શાળામાં 100 રૂપિયાના પગારે ભણાવવાનું શરૂ કર્યું. બાદમાં વિનોદે તેના પિતાને શીલા સાથે પરિચય કરાવ્યો. ઉમાશંકર દીક્ષિતને શીલા ગમતી હતી પરંતુ તેણે કહ્યું હતું કે આ લગ્ન માટે વિનોદની માતાને સમજાવવી પડશે. વિનોદ અને શીલાએ બે વર્ષ સુધી રાહ જોઈ અને આખરે પરિવારની સંમતિથી બંનેએ લગ્ન કરી લીધા.
કૉલેજ પછી શિક્ષિકા તરીકે કામ કરનાર શીલા દીક્ષિતે લગ્ન પછી સાસરિયાં માટે કામ કરવાનું શરૂ કર્યું. તે દિવસોમાં જ્યારે તેના સસરા ઉમાશંકર દીક્ષિત ઈન્દિરા ગાંધીની સરકારમાં મંત્રી બન્યા ત્યારે શીલા તેના સસરાને કાયદાકીય રીતે મદદ કરતી હતી. જ્યારે ઈન્દિરા ગાંધીને શીલા દીક્ષિત વિશે ખબર પડી ત્યારે તેમણે શીલાને સંયુક્ત રાષ્ટ્ર પંચની ટીમના સભ્ય તરીકે નામાંકિત કરી. તેનો હેતુ મહિલાઓનું પ્રતિનિધિત્વ કરવાનો હતો. અહીંથી તેમની રાજકીય કારકિર્દી શરૂ થઈ. 1970માં શીલા યુવા મહિલા મોરચાના પ્રમુખ બન્યા. ત્યારબાદ શીલા દીક્ષિત 1984 થી 1989 સુધી કન્નૌજ સીટથી લોકસભાના સભ્ય બન્યા.
કોંગ્રેસના નેતા શીલા દીક્ષિતે કેન્દ્રીય મંત્રી તરીકે સેવા આપી હતી. બે પીએમઓમાં તેમણે સંસદીય બાબતોના રાજ્યમંત્રીનો હવાલો પણ સંભાળ્યો હતો. 1990માં શીલા દીક્ષિતે મહિલાઓ પર થતા અત્યાચારો સામે આંદોલન કર્યું હતું. બાદમાં 1998માં, શીલા દીક્ષિત પ્રથમ વખત દિલ્હીના મુખ્યમંત્રી બન્યા અને સતત ત્રણ વખત એટલે કે 15 વર્ષ (2013) સુધી આ પદ પર રહ્યા. તેમને 2014 માં કેરળના રાજ્યપાલ તરીકે નિયુક્ત કરવામાં આવ્યા હતા, જોકે થોડા મહિના પછી તેમણે પદ પરથી રાજીનામું આપી દીધું હતું. 2015માં આમ આદમી પાર્ટીની હાર બાદ કેજરીવાલ દિલ્હીના સીએમ બન્યા અને શીલા દીક્ષિતે રાજીનામું આપી દીધું.
