નવા વર્ષે અાતંકી હાફિઝને મળ્યો ઝટકો, જપ્ત થઈ શકે છે તેની સંપતિ

મુંબઈ હુમલાનો માસ્ટર માઈન્ડ અને પ્રતિબંધિત આતંકવાદી સંગઠન જમાત-ઉદ્-દાવાનો ચિફ હાફિઝ સૈયદના સંગઠનો સાથે જોડાયેલી સંપત્તિઓને પાકિસ્તાન સરકારે જપ્ત કરવાની તૈયારી કરી છે.
પાકિસ્તાની અધિકારીઓ અને સમાચાર એજન્સી રોયટર દ્વારા દસ્તાવેજોની સમીક્ષા મુજબ, પાકિસ્તાન સરકારે છેલ્લા કેટલાક દિવસોમાં આ સંબંધમાં એક ગુપ્ત બેઠક કરી છે. આ ઉચ્ચ સ્તરની મીટિંગમાં સામેલ ત્રણ અધિકારી હાજર હતા, જેમાંથી એક અધિકારીએ આ માહિતી શેર કરી છે.
ત્યાં જમાત-ઉદ્-દાવા અને ફલાહ એ ઈન્સાનિયતના સ્થાપકોએ કહ્યું કે જ્યારે સરકારે યોજનાની સત્તાવાર જાહેરાત કરશે પછી જ કોઈ નિર્ણય માનવામાં અાવશે અત્યારથી અા મામલે કંઈ ન કહી શકાય.
તમને જણાવીએકે પાકિસ્તાને છેલ્લા કેટલાક દિવસોથી આતંકવાદી હાફિઝને નજરકેદમાથી મુક્ત કર્યો છે,જ્યારે યુનાઈટેડ નેશન્સ અને યુ.એસ. બંનેએ તેને ખુંખાર આતંકવાદી જાહેર કર્યો છે.
અમેરિકાએ તેના પર 10 મિલિયન ડોલરનું ઈનામ પણ જાહેર કર્યું છે. આ વાત પર ભારતના વિદેશ મંત્રાલયે જણાવ્યું હતું કે સૈયદને છોડવાથી એક વખત ફરીથી અે વાત પ્રસ્થાપિત થઈ હતી કે ત્રાસવાદીઓના અપરાધીઓને સજા આપવી તે મુદે પાકિસ્તાન હજુ પણ ગંભીર નથી. જ્યારે સંયુક્ત રાષ્ટ્રએ પણ તેને આતંકી જાહેર કર્યો છે.