ગરમીનો ત્રાસ… આગામી ચાર દિવસ ગરમી વધશે, ગુજરાત થી દિલ્હી સુધી હીટ વેવ એલર્ટ
સમગ્ર દેશમાં ગરમીનો પ્રકોપ યથાવત છે. આગામી ત્રણ દિવસ દિલ્હી અને ગુજરાતમાં હીટ વેવ રહેવાની સંભાવના છે. હવામાન વિભાગે કહ્યું કે આગામી 3-4 દિવસમાં મહત્તમ તાપમાન 41 ડિગ્રી સેલ્સિયસ સુધી પહોંચી શકે છે.
દેશની રાજધાની દિલ્હી સહિત ઉત્તર અને મધ્ય ભારતના રાજ્યોમાં છેલ્લા કેટલાક દિવસોથી ગરમીનો પ્રકોપ યથાવત છે. હવામાન વિભાગ (IMD) અનુસાર, સતત શુષ્ક હવામાનને કારણે ઉત્તર પશ્ચિમ ભારતમાં તીવ્ર ગરમી પડી રહી છે. સાથે જ હાલ ગરમીના મોજામાંથી રાહત મળવાની કોઈ શક્યતા નથી. હવામાન વિભાગે દિલ્હીથી ગુજરાત સુધી આગામી 4-5 દિવસ સુધી ગરમ પવનો અને કાળઝાળ ગરમીની ચેતવણી જારી કરી છે.
રાષ્ટ્રીય રાજધાની દિલ્હીમાં આજે (સોમવાર), 4 એપ્રિલે, લઘુત્તમ તાપમાન 19 ડિગ્રી સેલ્સિયસ રહેવાની ધારણા છે, જે સામાન્ય કરતાં એક ડિગ્રી વધુ છે, જ્યારે મહત્તમ તાપમાન 39 ડિગ્રી સેલ્સિયસ રહેવાની ધારણા છે. જ્યારે દિવસ દરમિયાન જોરદાર ગરમ પવન ફૂંકાશે. તે જ સમયે, આગામી કેટલાક દિવસોમાં મહત્તમ તાપમાન 40-41 ડિગ્રીને પાર થવાની સંભાવના છે. IMD અનુસાર, જ્યારે તાપમાન સામાન્ય કરતા 6.4 ડિગ્રી વધારે હોય ત્યારે ભારે ગરમી થાય છે. હવામાન વિભાગે દિલ્હીમાં 10 એપ્રિલ સુધી ગરમીનું મોજું ચાલુ રહેવાની આગાહી કરી છે.
ગુજરાતમાં યલો એલર્ટ જારી
આ ઉપરાંત ગુજરાતમાં આગામી ત્રણ દિવસ સુધી હીટવેવની શક્યતા છે. હવામાન વિભાગે કહ્યું કે આગામી 3-4 દિવસમાં મહત્તમ તાપમાન 42 ડિગ્રી સેલ્સિયસ સુધી પહોંચી શકે છે. ગુજરાતના બનાસકાંઠા, સાબરકાંઠા, પાટણ, મહેસાણા, કચ્છ, સાબરકાંઠા સહિતના શહેરોમાં હીટવેવની શક્યતા છે. તમને જણાવી દઈએ કે ગુજરાતના મોટાભાગના શહેરોનું તાપમાન 40 ડિગ્રી સેલ્સિયસ સુધી નોંધાઈ રહ્યું છે. તાપમાનમાં વધારાને લઈને હવામાન વિભાગે યલો એલર્ટ પણ જારી કર્યું છે.
દેશના ઘણા ભાગોમાં માર્ચ મહિનામાં જ એવી ગરમી પડી કે 121 વર્ષનો રેકોર્ડ તૂટી ગયો. હવામાન વિભાગની આગાહી અનુસાર, હિમાચલ પ્રદેશ, વિદર્ભ, ગુજરાત, ઝારખંડ, રાજસ્થાન, ઉત્તર પ્રદેશ, મધ્ય પ્રદેશમાં આગામી કેટલાક દિવસોમાં આકરી ગરમી પડશે.
