યુદ્ધના પળે મોટું નુકસાન: રશિયાએ યુક્રેનના સૌથી મોટા નૌકાજહાજ ‘સિમ્ફેરોપોલ’ને નાશ કર્યું

રશિયા-યુક્રેન યુદ્ધ: રશિયાએ યુક્રેનના સૌથી મોટા જહાજ ‘સિમ્ફેરોપોલ’ ને ડૂબાડ્યું

રશિયા અને યુક્રેન વચ્ચે ચાલી રહેલા યુદ્ધમાં એક નવો મોટો હુમલો થયો છે. શાંતિ વાટાઘાટો અને યુદ્ધવિરામના પ્રયાસો વચ્ચે પણ, રશિયાએ યુક્રેનિયન નૌકાદળના સૌથી મોટા જહાજ ‘સિમ્ફેરોપોલ’ ને મરીન ડ્રોન વડે નિશાન બનાવ્યું. રશિયન સંરક્ષણ મંત્રાલયે આ હુમલાની પુષ્ટિ કરી છે અને જણાવ્યું છે કે આ જહાજ ડેન્યુબ નદીના ડેલ્ટામાં ડૂબી ગયું છે. આ ઘટનાનો એક વીડિયો પણ સામે આવ્યો છે, જેમાં હુમલાની ભયાનકતા જોવા મળે છે.

Footage shows an unmanned boat of the Black Sea Fleet, which participated in the "July Storm" exercises a month ago, sinking the Ukrainian Navy reconnaissance ship "Simferopol" at the mouth of the Danube. pic.twitter.com/bk4hpp043E

— Ignorance, the root and stem of all evil (@ivan_8848) August 28, 2025

જહાજની વિશેષતાઓ અને હુમલાની વિગતો

રશિયન સંરક્ષણ મંત્રાલયના નિવેદન મુજબ, ‘સિમ્ફેરોપોલ’ જહાજ રેડિયો, ઇલેક્ટ્રોનિક, રડાર અને ઓપ્ટિકલ રિકોનિસન્સ (જાસૂસી) માટે બનાવવામાં આવ્યું હતું. આ જહાજ એક દાયકા કરતાં વધુ સમયમાં યુક્રેન દ્વારા કાર્યરત કરાયેલું સૌથી મોટું જહાજ હતું. તે 2019 માં લોન્ચ કરવામાં આવ્યું હતું અને 2021 માં યુક્રેનિયન નૌકાદળના કાફલામાં સામેલ કરવામાં આવ્યું હતું, જ્યાં તેને ખૂબ જ મહત્વપૂર્ણ માનવામાં આવતું હતું. રશિયન સમાચાર એજન્સી TASS ના અહેવાલ મુજબ, આ પહેલીવાર છે જ્યારે કોઈ મરીન ડ્રોન દ્વારા યુક્રેનિયન નૌકાદળના જહાજને નષ્ટ કરવામાં આવ્યું હોય. આ હુમલો રશિયાની વધતી લશ્કરી ક્ષમતા અને નવીન યુદ્ધ વ્યૂહરચના દર્શાવે છે.

MOMENT Ukrainian recon ship BLASTED by Russian boat drone

Crew jump behind cover but it’s too late

'Simferopol' sinking confirmed https://t.co/6XsRbk23Lz pic.twitter.com/iQNY1uJRn9

— RT (@RT_com) August 28, 2025

કોણ હતો ફિરૌન? હજારો વર્ષ પછી પાણીમાંથી બહાર આવી રહ્યું છે તેનું શહેર

સોશિયલ મીડિયામાં ચર્ચા: ટ્રમ્પ ક્યાં છે? વ્હાઇટ હાઉસ સામે સવાલો ઊભા થયા

જાનહાનિ અને પરિણામો

યુક્રેનિયન અધિકારીઓએ આ હુમલાની પુષ્ટિ કરી છે. તેઓએ જણાવ્યું કે હુમલામાં એક ક્રૂ મેમ્બરનું મૃત્યુ થયું છે અને કેટલાક અન્ય ઘાયલ થયા છે. જોકે, નૌકાદળ દ્વારા બચાવ કામગીરી હાથ ધરવામાં આવી છે અને મોટાભાગના ક્રૂ સભ્યોને બચાવી લેવામાં આવ્યા છે, જ્યારે કેટલાક હજુ પણ ગુમ છે. આ હુમલો એવા સમયે થયો છે જ્યારે અમેરિકન રાષ્ટ્રપતિ ડોનાલ્ડ ટ્રમ્પ સહિત અનેક વૈશ્વિક નેતાઓ શાંતિ વાટાઘાટો માટે પ્રયાસ કરી રહ્યા છે, જે દર્શાવે છે કે આ યુદ્ધ હજુ પણ સમાપ્ત થવાનું નથી. આ ઘટના બંને દેશો વચ્ચેના તણાવમાં વધારો કરશે અને શાંતિ વાટાઘાટોને વધુ મુશ્કેલ બનાવી શકે છે.