8 જાન્યુઅારીથી મળશે Honor View 10,જાણો શું છે કિંમત

હુઅાવેની સહાયક કંપની Honor તાજેતરમાં ચાઇનામાંHonor View 10 લોન્ચ કર્યો છે. હવે તે ભારત આવી રહ્યો છે એટલે કે તેનું વેચાણ ટૂંક સમયમાં શરૂ થશે આ માટે પ્રી બુકિંગ પણ શરૂ થયું છે હવે તેની કિંમત પણ સામે આવી છે Honor View 10 લોન્ચ થાય તે પહેલાં તેની કિંમત સામે આવી છે.
Honor View 10 ભારતમાં 29,999 રૂપિયામાં મળશે.સ્પેસિફિકેશન્સ, ફિચર્સ અને બિલ્ડ ક્વોલિટિ દ્વારા તેની કિંમત અક્રમક રાખવામાં અાવી છે તેથી આ સેગમેંટના અન્ય સ્માર્ટફોનને ટક્કર અાપી શકે.
Honor View 10 ફક્ત ઇ-કૉમર્સ વેબસાઇટ Amazon પર મળશે.તેના માટે રજીસ્ટ્રેશન શરૂ કરવામાં આવ્યું છે. વેચાણની વાત કરીએ તો તે 8 જાન્યુઆરીથી શરૂ થશે. Honor View 10માં 18: 9 એસ્પેક્ટ રેશિયોનું ડિસ્પ્લે આપવામાં આવ્યું છે. સ્ક્રીન ફુલ એચડી પ્લસ છે અને તે 5.99 ઇંચની છે. તેમાં AI આધારિત Huawei HiSilicon Kirin 970 પ્રોસેસર આપવામાં આવ્યું છે જે 2.36GHzનું છે. તેમાં 6 GB રેમ છે અને તેની ઇન્ટરનલ મેમરી 128 GB છે. આ એન્ડ્રોઇડ ઓરિયો આધારિત EMUI 8.0 પર ચાલે છે.
Honor View 10ના વિશેષ ફિચર્સ વિશે વાત કરીએતો ફેશિયલ રેકોર્ડિંગ ફીચર આપવામાં આવેલ છે એટલે કે તમે તમારા ફેસથી અા સ્માર્ટફોનને અનલૉક કરી શકો છો.કંપનીની દાવો છે કે આ સ્માર્ટફોન આર્ટિફિશિયલ ઇન્ટેલિજન્સ આધારિત છે અને તેમાં સિક્યુર ફેસ અનલોક ફીચર છે. કેમેરાની વાત કરીએ તો આ સ્માર્ટફોનમાં ડ્યુઅલ રીઅર કેમેરો સેટઅપ છે. એક 16 મેગપિક્સલનો RGB સેન્સર છે, જ્યારે બીજો 20 મેગપિક્સલનો મોનોક્રોમ સેન્સર છે. આમાં એફ / 1.8 અપર્ચર આપેલ છે અને ડ્યુઅલ LED ફ્લેશ છે. સેલ્ફી માટે એફ / 2.0 માં અપર્ચર સેલ્ફી કૅમેરા છે.
કનેક્ટિવિટી માટે 4G VoLTE, વાઇફાઇ, બ્લુટુથ, જીપીએસ અને USB Type C અાપવામાં અાવ્યો છે. તેની બેટરી 3,750 છે એટલે કે તે સારો બેકઅપ અાપશે તેવી અપેક્ષા છે.