વડોદરા શહેરમાં ધોરણ 1 થી 8 સુધીની ગુજરાતી માધ્યમની 50 વર્ષ જૂની 7 શાળાઓ અને અંગ્રેજી માધ્યમની એક શાળાને બંધ કરવા જિલ્લા શિક્ષણાધિકારીની કચેરીમાં દરખાસ્ત કરવામાં આવી છે. દરખાસ્તમાં શહેરના કારેલીબાગ, રાવપુરા, ગોરવા, છાણી, દિવાળીપુરા, ઓ.પી. રોડ વિસ્તારમાં આવેલી 50 વર્ષ જૂની ગુજરાતી માધ્યમની 7 શાળાઓ આવેલી છે અને ઓ.પી. રોડ પર અંગ્રેજી માધ્યમની શાળા આવેલી છે. પ્રભારી જિલ્લા શિક્ષણાધિકારી નવનીત મહેતાના જણાવ્યા અનુસાર, આ સંદર્ભે સુનાવણી હાથ ધરવામાં આવી છે અને ટૂંક સમયમાં નિર્ણય લેવામાં આવે તેવી અપેક્ષા છે. ગુજરાતી માધ્યમની શાળાઓમાં અંગ્રેજી તરફના વધતા જતા ચલણને કારણે વિદ્યાર્થીઓની સંખ્યા ઓછી હોવાથી આ દરખાસ્ત મોકલવામાં આવી છે. શહેરમાં ધોરણ 1 થી 8 સુધીની 50 વર્ષ જૂની ગુજરાતી માધ્યમની શાળા અને એક અંગ્રેજી માધ્યમની શાળાને બંધ કરવાની દરખાસ્ત સાથે, આ શાળાઓના વિદ્યાર્થીઓને નજીકની શાળાઓમાં પ્રવેશ આપવામાં આવશે.
વડોદરા. શહેરના પંડ્યા બ્રિજ-જનમહાલ રોડ પર ગુરૂવારથી વાહનોની અવરજવર બંધ રહેશે. બુલેટ ટ્રેન માટેની કામગીરીને પગલે પાલિકા બાજુથી મકાન, પાણીની પાઇપલાઇન અને ગટરલાઇનનું સ્થળાંતર થતાં વાહનવ્યવહાર બંધ થઇ ગયો છે.
મહાનગરપાલિકાની કાર્યવાહીના કારણે પંડ્યા બ્રિજથી જનમહેલ સુધીના માર્ગને બદલે શહેરના લોકો પંડ્યા બ્રિજથી ફતેગંજ, કાલાઘોડા, રેલવે સ્ટેશનના માર્ગનો વૈકલ્પિક ઉપયોગ કરી શકશે. જનમહેલથી પંડ્યા બ્રિજ સુધીના વન-વે માર્ગ પર વાહનોની અવરજવર ચાલુ રહેશે. શહેરના સેંકડો લોકો આ માર્ગનો ઉપયોગ કરી શકશે.
