મુસાફરોની સુવિધાને ધ્યાનમાં રાખીને ભારતીય રેલ્વે દ્વારા સમયાંતરે વિવિધ સુવિધાઓ આપવામાં આવે છે. જો તમે અથવા તમારા પરિવારમાં કોઈ શિક્ષક છે, તો રેલવેની આ સુવિધા તમને ખુશ કરશે. હા, નોર્થ ઈસ્ટર્ન રેલવે અને સેન્ટ્રલ રેલવેએ શિક્ષકો માટે સ્પેશિયલ ટ્રેન ચલાવવાનો નિર્ણય લીધો છે.
શિક્ષકો માટે બે ટ્રેન આરક્ષિત
ઉનાળાની રજાઓમાં શિક્ષકો અને તેમના પરિવારજનોને ધ્યાનમાં રાખીને રેલવે દ્વારા વિશેષ ટ્રેનોનો આ નિર્ણય લેવામાં આવ્યો છે. 4 સ્પેશિયલ ટ્રેનોમાંથી બે ટ્રેનો સંપૂર્ણપણે શિક્ષકો માટે આરક્ષિત છે. આ ટ્રેનો મુંબઈ અને બનારસ વચ્ચે ચલાવવામાં આવશે. આમાં મુસાફરી કરવાથી શિક્ષકો અને તેમના પરિવારજનોને ઘણો ફાયદો થશે.
સ્પેશિયલ ટ્રેન ક્યાં ઉભી રહેશે
2 મેથી શરૂ થતી આ વિશેષ ટ્રેનો મુંબઈથી ઉપડશે અને કલ્યાણ, નાશિક રોડ, ભુસાવલ, ખંડવા, ઈટારસી, બીના, વીરાંગના લક્ષ્મીબાઈ સ્ટેશન, ગોવિંદપુરી, ફતેહપુર, પ્રયાગરાજ અને જ્ઞાનપુર રોડ સ્ટેશનો પર થોભશે. આ ટ્રેનોમાં એક કોચ ફર્સ્ટ એસી, 3 કોચ એસી સેકન્ડ ક્લાસ, 4 કોચ થર્ડ એસી, 8 સ્લીપર કોચ અને 8 જનરલ સેકન્ડ ક્લાસ કોચ હશે.
ટ્રેનનું સમયપત્રક
ચાર ટ્રેનોમાંથી બે સંપૂર્ણ રીતે શિક્ષકો માટે આરક્ષિત છે. આ ટ્રેનો લોકમાન્ય તિલક ટર્મિનસ અને બનારસ વચ્ચે દોડશે. ટ્રેન નંબર 01053 ‘ટીચર્સ સ્પેશિયલ’ લોકમાન્ય તિલક ટર્મિનસથી 2જી મેના રોજ 10:30 કલાકે ઉપડશે અને 3જી મેના રોજ બપોરે 3:30 કલાકે બનારસ પહોંચશે. ટ્રેન નંબર 01054 ‘ટીચર્સ સ્પેશિયલ’ બનારસથી 3જી મેના રોજ રાત્રે 8 વાગ્યે ઉપડશે અને 5મી મેના રોજ બપોરે 1.00 વાગ્યે લોકમાન્ય તિલક ટર્મિનસ પહોંચશે.
