અમદાવાદથી થોલ સુધી બસ સેવા શરૂ મુખ્યમંત્રીએ ઉદ્ઘાટન કર્યું..

ગાયકવાડ શાસનમાં અહીં તળાવ બનાવવામાં આવ્યું હતું, હવે લાલદરવાજાથી સીધી બસ..

અમદાવાદ મ્યુનિસિપલ ટ્રાન્સપોર્ટ સર્વિસ (AMTS)ના અમદાવાદથી મહેસાણાના કડી તાલુકાના થોલ ગામ સુધીના નવા રૂટનું ઉદ્ઘાટન કરવામાં આવ્યું હતું. મુખ્ય પ્રધાન ભૂપેન્દ્ર પટેલે થોળ ગામમાં તેનો પ્રારંભ કરાવતાં ગામના ઐતિહાસિક તળાવના વિકાસની વાત કરી હતી. ગામની ડ્રેનેજ વ્યવસ્થાને આધુનિક બનાવવાની સાથે આરસીસી રોડ બનાવવામાં આવશે તેમ જણાવ્યું હતું. ઉલ્લેખનીય છે કે થોલમાં એક પક્ષી અભયારણ્ય છે, જ્યાં હજારો પ્રવાસીઓ મુલાકાત લેવા આવે છે.

મુખ્યમંત્રીએ કહ્યું કે, રાજ્ય સરકાર દરેક યોજનાનો લાભ આપવા કટિબદ્ધ છે. સરકાર હંમેશા જનહિતના કામોને પ્રાધાન્ય આપે છે. મુખ્યમંત્રીએ કહ્યું કે ગુજરાત વિકાસનું ગ્રોથ એન્જીન છે. રાજ્યમાં સામાન્ય માણસની જરૂરિયાતને ધ્યાનમાં રાખીને વિકાસના કામો કરવામાં આવે છે. થોલ ગામથી બસ સેવાની શરૂઆત તેનું ઉદાહરણ છે.