સાંજના નાસ્તા માટે ક્રિસ્પી પૌઆ બોલ્સ: દરેક બાઇટમાં મળશે ક્રંચી સ્વાદ
જો સાંજના નાસ્તામાં કંઈક મસાલેદાર અને ક્રંચી ખાવાનું મન થાય, તો પૌઆ બોલ્સ તમારા માટે પરફેક્ટ વિકલ્પ છે. તેને તમે પૌઆના ભજીયા પણ કહી શકો છો. આ વાનગીની વિશેષતા એ છે કે તેને બનાવવામાં વધુ સમય લાગતો નથી અને તે નિયમિત વાનગીઓથી અલગ સ્વાદ આપે છે.
પૌઆ બોલ્સ બનાવવા માટેની સામગ્રી:
- 1 કપ પૌઆ
- 2 બાફેલા બટેટા
- 1 ડુંગળી, ઝીણી સમારેલી
- 1 કપ ચણાનો લોટ (બેસન)
- 1-2 લીલા મરચા, ઝીણા સમારેલા
- શેકેલી મગફળી
- ચાટ મસાલો સ્વાદ મુજબ
- મીઠું સ્વાદ મુજબ
- તેલ (તળવા માટે)
પૌઆ બોલ્સ બનાવવાની રીત:
સ્ટેપ 1:
એક બાઉલમાં પૌઆ લો અને તેને સારી રીતે ધોઈને પાણી નિતારી લો. બટેટાને બાફીને મેશ કરી લો.
સ્ટેપ 2:
પૌઆમાં મેશ કરેલા બટેટા, ઝીણી સમારેલી ડુંગળી, લીલા મરચા, શેકેલી મગફળી, ચાટ મસાલો અને મીઠું નાખીને સારી રીતે મિક્સ કરો. ત્યારબાદ તેમાં ચણાના લોટનું મિશ્રણ ઉમેરો. તમારું ભજીયા માટેનું મિશ્રણ તૈયાર છે.
સ્ટેપ 3:
ગેસ પર કડાઈ રાખો અને તેમાં તેલ ગરમ કરો. મિશ્રણમાંથી નાના-નાના ગોળ ભજીયા બનાવીને ગરમ તેલમાં નાખો. આંચ ધીમી રાખો જેથી ભજીયા અંદર સુધી સારી રીતે પાકી જાય.
સ્ટેપ 4:
જ્યારે પૌઆ બોલ્સ સોનેરી અને ક્રિસ્પી થઈ જાય, તો તેમને તેલમાંથી કાઢીને એક પ્લેટમાં રાખો. કોથમીરની ચટણી સાથે ગરમ-ગરમ પૌઆ બોલ્સનો આનંદ લો.
