ભાજપના પ્રદેશ અધ્યક્ષ સી.આર. પાટીલ અને કેન્દ્રીય મંત્રી દેવુસિંહ ચૌહાણની વિશેષ ઉપસ્થિતિ રહી હતી
અમદાવાદ જિલ્લાના દસક્રોઈ તાલુકાના ભુવલડી ખાતે આયોજિત ઠાકોર સમાજના સમૂહ લગ્નોત્સવમાં મુખ્યમંત્રી ભૂપેન્દ્ર પટેલે ઉપસ્થિત રહીને નવદંપતીઓને આશીર્વાદ અને શુભેચ્છાઓ પાઠવી હતી. મુખ્યમંત્રી ભૂપેન્દ્ર પટેલે ઠાકોર સમાજના 51 નવદંપતીઓને સુખી દામ્પત્ય જીવનની શુભકામનાઓ અને આશીર્વાદ પાઠવતા જણાવ્યું હતું કે સમૂહલગ્નનું આયોજન એ એક સકારાત્મક સામાજિક અભિયાન છે. આવા સાર્થક આયોજનને કારણે સમાજ વ્યવસ્થાને નવી દિશા મળશે. આ ઉપરાંત બિનજરૂરી ખર્ચાઓ પણ અટકાવી શકાય છે.
સમૂહલગ્નના આયોજકોએ મુખ્યમંત્રીનું સન્માન કર્યું હતું..
મુખ્યમંત્રીશ્રીએ જણાવ્યું હતું કે, દેશના વડાપ્રધાનશ્રી નરેન્દ્રભાઇ મોદીના માર્ગદર્શન અને પ્રેરણાથી ગુજરાત સરકાર તમામ સમાજને સાથે લઇને આગળ વધી રહી છે. સરકારનો આશય છે કે ‘સબકા સાથ-સબકા વિશ્વાસ-સબકા પ્રયાસ’ દ્વારા તમામ સમાજને વિકાસના મુખ્ય પ્રવાહ સાથે જોડવામાં આવે. તેણે સમૂહ લગ્નના આયોજક જે. ના. સમૂહલગ્નના ભવ્ય આયોજન બદલ સમુહ અને સમાજના આગેવાનો, દાતાઓ અને આયોજન સમિતિના આગેવાનોને અભિનંદન. આ પ્રસંગે સી.આર. પાટીલે તમામ નવદંપતીઓને આશીર્વાદ આપતાં જણાવ્યું હતું કે, સમૂહલગ્નની આ પ્રથા વર્ષો પહેલા શરૂ થઈ હતી અને આજે સમગ્ર સમાજ આ દિશામાં આગળ વધી રહ્યો છે જે આનંદની વાત છે. આ પ્રસંગે દેવુસિંહ ચૌહાણે નવદંપતીને આશીર્વાદ આપતાં જણાવ્યું હતું કે આર્થિક રીતે નબળા કહેવાતો આ સમાજ જ્યારે આવા ભવ્ય સમૂહલગ્નનું આયોજન કરી રહ્યો છે ત્યારે તે ખૂબ જ ગૌરવની વાત હશે.
આ કાર્યક્રમમાં જનકભાઈ, કુંજનસિંહ ઠાકોર અને સમાજના આગેવાનોએ મુખ્યમંત્રીને પાઘડી અને ગુલાબનો મોટો હાર પહેરાવી તલવાર આપી સન્માન કર્યું હતું. આ સમૂહલગ્નમાં માતા-પિતા વિનાની દીકરીને રૂ.1 લાખના બોન્ડ અર્પણ કરવામાં આવ્યા હતા અને તમામ નવદંપતિઓને ચાંદીની પાયલ, રેફ્રિજરેટર, હાઉસ બેલ, તિજોરી, બોક્સ બેડ સહિત 127 ઘરવપરાશની ચીજવસ્તુઓ અર્પણ કરવામાં આવી હતી.
