રજનીકાંત બાદ કમલ હાસનની રાજનીતિમાં એન્ટ્રી, 21 ફેબ્રુઆરીએ પાર્ટીના નામનું કરશે એલાન

દક્ષિણ ભારતના રાજકારણમાં કલાકારોની સક્રિયતા સમય-સમય પર જોવા મળે છે. બે દિગ્ગજ સુપરસ્ટાર રજનીકાંત અને કમલ હાસન રાજનીતિમાં પોતાની શરૂઆત કરી રહ્યા છે. જ્યાં એક તરફ સુપરસ્ટાર રજનીકાંત રાજકારણમાં આવવાનું સત્તાવાર રીતે એલાન કરી ચુક્યા છે.રજનીકાંત તમિલનાડુની અાગામી વિધાનસભાની ચૂંટણીમાં તમામ બેઠકો પર ચૂંટણી લડશે તો બીજી બાજુ મેગાસ્ટાર કમલ હાસન પણ રાજકીય પક્ષના નામની જાહેરાત કરવાનું તારીખ જાહેર કરી ચુક્યા છે.કમલ હાસને અંતે રાજનીતિના દંગલમાં કુદવાનો નિર્ણય કર્યો છે. છેલ્લા કેટલાય સમયથી અા વાત પર ચર્ચા ચાલતી હતી.કમલ હાસન 21 ફેબ્રુઆરીએપાર્ટીના નામનું સત્તાવાર રીતે એલાન કરશે.તેઓએ તમિલનાડુના રમન્થપુરમમાં તેમના પક્ષના નામની જાહેરાત કરવાનું નક્કી કર્યુ છે.સાથે સાથે કમલ હાસન રાજ્યભરમાં પ્રવાસ ખેડશે.તે પોતાની યાત્રા રમન્થપુરથી શરૂ કરશે, ત્યાર બાદ તે મદુરાઈ, ડિંડીગુલ અને સીવગંગાઈ જશે.તેની સાથે જ કમલ હાસન સત્તાવાર રીતે પોતાની રાજનીતિ કેરિયરનો પ્રારંભ કરશે, હાસને ગયા વર્ષે જ રાજનીતિમાં આવવાની ઇચ્છા વ્યક્ત કરી હતી