Paytmને ટક્કર આપશે Whats appનું આ ફિચર્સ

Whats app છેલ્લા કેટલાક સમયથી નવા નવા ફિચર્સ લાવી તેના વપરાશકર્તાઓને વધુને વધુ ફાયદો થાય તેવુ કરી રહ્યું છે. Whats appનું પેમેન્ટ ફીચર ઘણાં દિવસોથી ચર્ચામાં છે પરંતુ તે ક્યારે લોન્ચ થશે તે હજુ નક્કી નથી. આ વચ્ચે એવા સમાચારો મળી રહ્યાં છે કે Whats app પેમેન્ટ ઓપ્શન ભારતમાં આગામી મહિને લાઇવ થઇ જશે. Whats appના નવા ફિચર્સનું કેટલાંક યુઝર્સ સાથે કરવામાં આવી રહેલી ટેસ્ટિંગ તેના અંતિમ ચરણમાં છે.ફેબ્રુઆરી મહિનાના અંત ભાગ સુધીમાં તેને ગ્રાહકો સુધી પહોંચાડી દેવામાં આવશે તેવી શક્યતા છે.
Whats app પેમેન્ટ ઓપ્શન પે ફિચરને એક અટેચમેન્ટ સેક્શનમાં જોડવામાં આવશે અને યુઝર્સ તે જ સ્ક્રીન પરથી રૂપિયા ટ્રાન્સફર કરી શકશે. આ એપ દ્વારા નાણા મોકલવા ખૂબ જ સરળ બની જશે. જો આ ફિચર્સ હાલ બજારમાં આવશે તો Paytm અને અન્ય ડિજિટલ વોલેટ્સ સામે એક પડકાર ઉભો થઇ જશે કારણકે ભારતમાં Whats app યુઝર્સની સંખ્યા વધારે છે.