પાણી વગર કપડા ધોવાશે: ચીને બનાવી અનોખી વોશિંગ મશીન
હવે કપડા ધોવા માટે પાણીની જરૂર નહીં પડે. ચીનના વૈજ્ઞાનિકોએ એવી અનોખી વોશિંગ મશીન તૈયાર કરી છે જે પાણી વગર કપડા ધોઈ શકે છે. ખાસ વાત એ છે કે આ મશીન અવકાશયાત્રીઓ માટે બનાવવામાં આવી છે, જેથી તેઓ લાંબા મિશન દરમિયાન ઓછા કપડા લઈ જાય અને જરૂર પડ્યે સરળતાથી સાફ કરી શકે.
આ મશીન કઈ રીતે કામ કરે છે?
નવી વોશિંગ મશીનમાં ઝાકળ (mist) અને ઓઝોન સ્ટરીલાઈઝેશન ટેકનિકનો ઉપયોગ કરવામાં આવ્યો છે. તે ડિટર્જન્ટને બદલે પારજાંબલી કિરણો (UV Rays) ઉત્પન્ન કરે છે, જે કપડા પર જમા થયેલા બેક્ટેરિયા અને ગંદકીને ખતમ કરી દે છે.
વજન અને ક્ષમતા
- આ મશીનનું વજન લગભગ 12 કિલો છે.
- તે એક વખતમાં 800 ગ્રામ કપડા ધોઈ શકે છે.
- મશીનની ડિઝાઇન સૂટકેસ જેવી છે, જેને સરળતાથી હાથમાં પકડીને લઈ જઈ શકાય છે.
કપડા ધોવામાં લાગતો સમય
- મશીનમાં કપડા નાખતા જ પ્રક્રિયા શરૂ થઈ જાય છે.
- આખી ધોવાની અને સુકવવાની પ્રક્રિયાને મળીને લગભગ 30 મિનિટ લાગે છે.
- તેમાં ચાર સ્ટેપ હોય છે: ઝાકળ બનાવવી, ઓઝોન સ્ટરીલાઈઝેશન, સુકવવું અને સાફ કરવું.
અવકાશયાત્રીઓને મોટો ફાયદો
વૈજ્ઞાનિકોના મતે આ મશીનની મદદથી હવે અવકાશયાત્રીઓ 60% ઓછા કપડા લઈ જઈ શકે છે. તેનાથી તેમનો બોજ હળવો થશે અને લાંબી યાત્રા, જેમ કે ચંદ્ર અથવા મંગળ ગ્રહ પર જવું, વધુ સરળ થઈ જશે.
આ મશીન હાલમાં ફક્ત અવકાશયાત્રા માટે બનાવવામાં આવી છે, પરંતુ ભવિષ્યમાં શક્ય છે કે તેનો ઉપયોગ પૃથ્વી પર પણ થઈ શકે.
