YouTubeથી પૈસાની કમાણી કરનાર માટે ખરાબ સમાચાર, 20 ફેબ્રુઅારી સુધીમાં પુરી કરવી પડશે અા શરત

YouTubeથી રૂપિયા કમાવવા હવે વધુ મુશ્કેલ બનવા જઈ રહ્યા છે. કંપનીએ પોતાના પાર્ટનર પ્રોગ્રામને અપડેટ કર્યો છે. તે મુજબ હવે ચેનલ કે ક્રિએટરે રૂપિયા કમાવવા માટે વધુ સબસ્ક્રાઈબરની જરૂર પડશે. હવે એ ચેનલોને જાહેરાત મળશે, જેની પાસે ઓછામાં ઓછા ૧૦૦૦ સબસ્ક્રાઈબર્સ હોય અને ૧૨ મહિનામાં ઓછામાં ઓછા ૪,૦૦૦ કલાકના વીડિયો ચેનલ પર પોસ્ટ કર્યા હોય.
અાપને જણાવીઅે કે, આ પહેલા કંપનીએ મિનિમમ વ્યૂઝ ૧૦ હજાર રાખ્યા હતા, એટલે કે અત્યાર સુધી ૧૦ હજાર વ્યૂઝ પૂરા થવા પર જાહેરાત મળતી હતી. YouTube પોતાની બ્લોગ પોસ્ટમાં કહ્યું છે કે, ૨૦ ફેબ્રુઆરી છેલ્લી તારીખ હશે. એટલે કે જે ચેનલના વીડિયોને ૪ હજાર કલાકના વ્યૂઝ નહીં મળે અને ૧,૦૦૦ સબસ્ક્રાઈબર્સ પૂરા નહીં હોય તેને ૨૦ ફેબ્રુઆરી પછી જાહેરાત નહીં મળે.
હજારો લોકો YouTubeના પાર્ટનર પ્રોગ્રામ દ્વારા દર વર્ષે હજારો રૂપિયા કમાય છે, પરંતુ YouTubeના આ નિયમ બાદ ઘણા ક્રિએટર્સને રૂપિયા કમાવવામાં મુશ્કેલી પડશે. સાથે જ નવા ક્રિએટર્સને પણ પોતાની ચેનલ શરૂ કરવામાં મહેનત કરવી પડશે.