વડાપ્રધાન નરેન્દ્ર મોદી 10 અને 18 જૂને ગુજરાતની મુલાકાતે આવશે. આ દરમિયાન તેઓ મલ્ટી સ્પેશિયાલિટી હોસ્પિટલનું ઉદ્ઘાટન કરશે. આ સાથે તેઓ નવસારી અને વડોદરા જિલ્લામાં બે વિશાળ જાહેર સભાઓને પણ સંબોધશે, એમ એક અધિકારીએ મંગળવારે જણાવ્યું હતું. 10 જૂને તેઓ નવસારી જિલ્લાના ખુડવેલ ગામમાં આદિવાસીઓને પણ સંબોધિત કરશે, એમ અધિકારીએ જણાવ્યું હતું.
લગભગ 3 લાખ આદિવાસીઓ એકઠા થશે..
સ્થાનિક વહીવટીતંત્રના જણાવ્યા અનુસાર PM મોદીની જાહેર સભામાં દક્ષિણ ગુજરાતના નવસારી, તાપી, ડાંગ અને વલસાડ જિલ્લામાંથી લગભગ 3 લાખ આદિવાસીઓ એકઠા થશે. નવસારીના ચીખલી તાલુકાના ઘુડવેલ ગામમાં આ જાહેરસભા યોજાશે. આ પ્રસંગે રાજ્યના મુખ્યમંત્રી ભૂપેન્દ્ર પટેલ પણ ઉપસ્થિત રહેશે. નિરાલી મેમોરિયલ મેડિકલ ટ્રસ્ટ દ્વારા જારી કરાયેલા એક નિવેદનમાં કહેવામાં આવ્યું છે કે વડાપ્રધાન નરેન્દ્ર મોદી એ જ દિવસે નવસારીમાં નેશનલ હાઈવે 48 પર સ્થિત એએમ નાયક હેલ્થકેર કેમ્પસનું ઉદ્ઘાટન પણ કરશે..
18મી જૂને રોડ શો યોજાશે..
18મી જૂને પ્રસ્તાવિત કાર્યક્રમ મુજબ વડા પ્રધાન નરેન્દ્ર મોદી વડોદરા શહેરની આસપાસમાંથી એકઠા થયેલા લગભગ 4 લાખ લોકોની જાહેર સભાને સંબોધશે. મ્યુનિસિપલ કમિશનર શાલિની અગ્રવાલે કહ્યું કે જાહેર સભા પહેલા પીએમ મોદી એરપોર્ટથી સ્થળ સુધી રોડ શો પણ કરશે, જેમાં હજારો લોકો ભાગ લેશે. વડોદરા મ્યુનિસિપલ કોર્પોરેશનના ચેરમેન હિતેન્દ્ર પટેલે જણાવ્યું હતું કે વડા પ્રધાન નરેન્દ્ર મોદી સવારે વડોદરા પહોંચશે અને નજીકના પંચમહાલ જિલ્લામાં પાવાગઢ ટેકરીની ટોચ પર આવેલા મહાકાળી મંદિરમાં પૂજા અર્ચના કરશે.
વિધાનસભાની ચૂંટણી ગુજરાત વિધાનસભાની ચૂંટણી આ વર્ષે ડિસેમ્બરમાં થવાની છે અને ભાજપને ફરી સત્તામાં લાવવા માટે વડાપ્રધાન ગુજરાતના પ્રવાસે છે. મળતી માહિતી મુજબ 18 જૂને લગભગ 4 કિલોમીટરના રોડ શો બાદ વડાપ્રધાન લગભગ 4 લાખ લોકોને સંબોધિત કરશે. જેમાં વિવિધ સરકારી યોજનાઓના લાભાર્થીઓને સામેલ કરવામાં આવશે. સ્થાનિક વહીવટી અધિકારીઓ ઉપરાંત સ્થાનિક સાંસદે પણ સ્થળની મુલાકાત લીધી છે.
