મહારાષ્ટ્રમાં સત્તાધારી પક્ષોના ઘણા નેતાઓ પર ED અને CBIની કાર્યવાહીથી શિવસેના ગુસ્સે છે. શિવસેનાએ કેન્દ્ર સરકાર પર જોરદાર નિશાન સાધ્યું છે. પાર્ટીના નેતા સંજય રાઉતે આરોપ લગાવ્યો કે કેન્દ્ર સરકાર રાજ્યોમાં અસ્થિરતા પેદા કરવા માંગે છે.
‘મહારાષ્ટ્ર ઝુકશે નહીં કે શિવસેના ડરશે નહીં’
સંજય રાઉતે પત્રકારો સાથેની વાતચીતમાં કહ્યું, ‘આખા દેશમાં કેન્દ્રીય તપાસ એજન્સીનો સમય અમને ખબર છે. પશ્ચિમ બંગાળ હોય, ઝારખંડ હોય કે મહારાષ્ટ્ર, ચૂંટણી આવે કે કોઈ પણ રાજ્ય સરકારમાં અસ્થિરતા સર્જાવાની હોય ત્યારે ED અને CBI મોકલવામાં આવે છે, પણ મહારાષ્ટ્ર ઝુકશે નહીં કે શિવસેના ડરશે નહીં.
જણાવી દઈએ કે ગુરુવારે મહારાષ્ટ્રના મંત્રી અને શિવસેના નેતા અનિલ પરબ પર EDએ મોટી કાર્યવાહી કરી છે. EDએ પુણે અને મુંબઈમાં પરબના સાત સ્થળો પર દરોડા પાડ્યા છે. શિવસેનાના નેતા પર કરોડોની લાંચ લેવાનો આરોપ છે, જેના કારણે EDએ આ કાર્યવાહી કરી છે.
