દિલ્હી સરકારના મંત્રી અને આમ આદમી પાર્ટીના વરિષ્ઠ નેતા સત્યેન્દ્ર જૈનની મુશ્કેલીઓ ઓછી થવાનું નામ નથી લઈ રહી. એન્ફોર્સમેન્ટ ડિરેક્ટોરેટ (ED) એ હવે સત્યેન્દ્ર જૈનની પત્ની પૂનમ જૈનને પણ કથિત મની લોન્ડરિંગ કેસની તપાસના સંદર્ભમાં સમન્સ પાઠવ્યું છે.
EDના અધિકારીના જણાવ્યા અનુસાર, પૂનમ જૈનને આગામી સપ્તાહે 14 જુલાઈએ ED હેડક્વાર્ટરમાં તપાસકર્તાઓ સમક્ષ હાજર થવા માટે કહેવામાં આવ્યું છે.
વાસ્તવમાં, સત્યેન્દ્ર જૈનની કલાકોની પૂછપરછ બાદ હવાલા કેસમાં 30 મેના રોજ ED દ્વારા ધરપકડ કરવામાં આવી હતી. જૈન પર નકલી કંપનીઓ દ્વારા ટ્રાન્ઝેક્શન કરવાનો આરોપ છે. જૈનને પહેલા કસ્ટડીમાં લેવામાં આવ્યા હતા અને પછી પૂછપરછ બાદ ધરપકડ કરવામાં આવી હતી. હાલમાં તે ન્યાયિક કસ્ટડીમાં છે.
EDની તપાસ સેન્ટ્રલ બ્યુરો ઑફ ઇન્વેસ્ટિગેશન (CBI)ના 2017ના કેસ પર આધારિત છે, જેમાં એવો આક્ષેપ કરવામાં આવ્યો હતો કે AAP નેતા અને તેમની પત્ની પૂનમ જૈને ફેબ્રુઆરી 2015 અને મે 2017 વચ્ચે ₹1.47 કરોડનો ખર્ચ કર્યો હતો. આવક કરતાં અપ્રમાણસર સંપત્તિઓ હસ્તગત કરી હતી. . આ તેમની આવકના જાણીતા સ્ત્રોતો કરતાં બમણા હતા.
