હરિયાણાના હિસાર જિલ્લામાં ખેદાર પાવર પ્લાન્ટની રાખને લઈને થયેલા વિવાદમાં એક ખેડૂતનું મોત થયું હતું. મૃતક ખેડૂત ધરમપાલનું આજે પોસ્ટમોર્ટમ કરવામાં આવશે. તેમના મૃતદેહને અગ્રોહા મેડિકલ કોલેજમાં રાખવામાં આવ્યો છે. પોસ્ટમોર્ટમ બાદ અંતિમ સંસ્કાર કરવામાં આવશે. આ સાથે જ ધરમપાલના મોતથી ખેદર ગામમાં શોકનું મોજુ ફરી વળ્યું છે.ગતરોજ આખા ગામમાં ચૂલો ન સળગ્યો ન હતો સાથે જ ખેડૂત આગેવાનોએ સમગ્ર રાજ્યના ખેડૂતોને ખેદર પહોંચવાની અપીલ કરી છે.
ગ્રામવાસીઓએ રાખની માંગ માટે ખેદર પાવર પ્લાન્ટની અંદર જતા રેલ્વે ટ્રેક પર થોભવાનું નક્કી કર્યું. આ પછી, ખેડૂતો ટ્રેક્ટર પર સવાર થઈને ટ્રેક તરફ ચાલ્યા ગયા. પોલીસે બેરીકેટ લગાવીને તેમને રોકવાનો પ્રયાસ કર્યો હતો. ખેડૂતોએ બેરિકેડ તોડી નાખ્યા. દરમિયાન એક ટ્રેક્ટર ખેડૂતોને કચડીને આગળ નીકળી ગયું હતું. પોલીસે ખેડૂતોને વિખેરવા માટે ટીયર ગેસના શેલ છોડ્યા અને વોટર કેનનનો ઉપયોગ કર્યો. ખેડૂતોનો દાવો છે કે પોલીસના લાઠીચાર્જથી ખેડૂતોને ઈજા થઈ હતી.
શું છે સમ્રગ બનાવ
છેલ્લા 85 દિવસથી ખેદર પાવર પ્લાન્ટમાં ગ્રામજનો અને ખેડૂતો વિરોધ કરી રહ્યા છે. ગ્રામજનોની માંગ છે કે પ્લાન્ટની રાખ પહેલાની જેમ વિનામૂલ્યે આપવામાં આવે, જ્યારે પ્લાન્ટના અધિકારીઓ તેમ કરવામાં અસમર્થતા દર્શાવી રહ્યા છે. કારણ કે ઉર્જા મંત્રાલયે ટેન્ડર દ્વારા રાખ વેચવાનો પ્રસ્તાવ આપ્યો છે. આ રાખનો ઉપયોગ ઈંટો બનાવવા માટે થાય છે. પ્લાન્ટમાં લગભગ 67 કરોડની રાખ છે.ગ્રામજનો દલીલ કરે છે કે જ્યારે અગાઉ કોઈ રાખ લેતું ન હતું ત્યારે ગ્રામજનો તેનો ઉપયોગ કરતા હતા. આ સાથે ખેદર ગૌશાળાની આવક બંધ થઈ જશે અને 1000 જેટલી ગાયોનું પાલનપોષણ કરતી ગૌશાળા બંધ થઈ જશે.
