ટ્રમ્પ યુરોપિયન કમિશનથી નારાજ: ગૂગલ દંડ મામલે અમેરિકાની પ્રતિક્રિયા
ટેક દુનિયામાં ભક્કમ ભૂકંપ સર્જાતો હોય તેમ, યુરોપિયન કમિશન (European Commission) દ્વારા ગુગલ (Google) સામે આશરે $3.5 અબજ એટલે કે લગભગ રૂ. 3,08,59 કરોડનો દંડ ફટકારવામાં આવ્યો છે. આ કાર્યવાહી ડિજિટલ જાહેરાત ક્ષેત્રમાં ગુગલના દુરુપયોગી વ્યવહારોના કારણે કરવામાં આવી છે. યુરોપિયન સંસ્થા અનુસાર, ગુગલે જાહેરાત ટેકનોલોજી માર્કેટમાં પોતાની દાદાગીરી બતાવી અને સ્પર્ધાનો ભંગ કર્યો છે.
કાર્યવાહીનું કારણ અને યુરોપિયન કમિશનનો આદેશ
યુરોપિયન કમિશને ગુગલ પર આરોપ મૂક્યો છે કે તેણે પોતાની જ સેવાઓને પ્રાધાન્ય આપીને ઇચ્છિત જાહેરાત પ્લેટફોર્મોને આગળ ધપાવ્યાં અને સ્પર્ધાત્મક કંપનીઓને અવરોધિત કરી. આવું કરીને ગુગલે નાની અને મધ્યમ આકારની ડિજિટલ જાહેરાત કંપનીઓનું મોટું નુકસાન કર્યું છે. કમિશને ગુગલને સ્પષ્ટ આદેશ આપ્યો છે કે તે તાત્કાલિક તેના પ્રણાલીમાં ફેરફાર કરે અને ‘કૉન્ફ્લિક્ટ ઑફ ઇન્ટરેસ્ટ’ નિવારવા પગલાં ભરે.
#WATCH | Washington DC | On trade deals with India and other countries, US President Donald Trump says, "They are going great… We are upset with the European Union because of what is happening with not just Google, but all of our big companies…"
Source: White House/YouTube pic.twitter.com/8f3lxcBuCt
— ANI (@ANI) September 5, 2025
ટ્રમ્પ વહીવટીતંત્રની નારાજગી
ગૂગલે આ નિર્ણય પર અસંતોષ વ્યક્ત કર્યો છે અને કહ્યું છે કે તેઓ આ નિર્ણય સામે અપીલ કરશે. કંપનીનું માનવું છે કે આ દંડ ન્યાયસંગત નથી અને તે યુરોપિયન વેપારીઓને નુકસાન પહોંચાડી શકે છે.આ તમામ ઘટનાઓ વચ્ચે પૂર્વ અમેરિકી રાષ્ટ્રપતિ ડોનાલ્ડ ટ્રમ્પ પણ આ મુદ્દે મેદાનમાં ઉતરી આવ્યા છે. તેમણે યુરોપિયન યુનિયનની ટીકા કરતા કહ્યું કે યુએસની મોટાભાગની ટેક કંપનીઓ સામે આ પ્રકારના પગલાં યોગ્ય નથી અને તે વેપાર સંબંધો બગાડી શકે છે.
ગૂગલની પ્રતિક્રિયા અને ભવિષ્ય
ગૂગલે આ નિર્ણયને “અન્યાયી દંડ” ગણાવ્યો છે અને જણાવ્યું છે કે તે આ નિર્ણય સામે અપીલ કરશે. કંપનીના નિયમનકારી બાબતોના વૈશ્વિક વડા લી-એન મુલહોલેન્ડે જણાવ્યું હતું કે, “આ ફેરફારો હજારો યુરોપિયન વ્યવસાયોને નુકસાન પહોંચાડશે, જેનાથી તેમના માટે પૈસા કમાવવાનું મુશ્કેલ બનશે.” આ નિર્ણય યુરોપિયન કમિશન દ્વારા ગૂગલ સામે અવિશ્વાસના આરોપો જાહેર કર્યાના બે વર્ષથી વધુ સમય પછી આવ્યો છે. આ ઘટના બ્રસેલ્સ અને યુએસ વચ્ચે વેપાર, ટેરિફ અને ટેકનોલોજી નિયમન જેવા મુદ્દાઓ પર નવા તણાવ વચ્ચે આવી છે, જે ભવિષ્યમાં આંતરરાષ્ટ્રીય સંબંધો પર અસર કરી શકે છે.
