સમસ્ત આહીર સમાજ દ્વારા આગામી પાંચમી તારીખના રોજ સુરત ખાતે 25 મા સામુહિક લગ્નનું આયોજન કરવામાં આવ્યું છે જ્યાં સામુહિક લગ્ન પહેલા આજ રોજ પાંચ હજાર મહિલાઓ દ્વારા મહેંદીની રસમ દરમ્યાન ગિનિસ લિમ્કા બુક ઓફ વર્લ્ડ રેકોર્ડમાં સ્થાન મેળવવાનો પ્રયત્ન કરવામાં આવ્યો હતો સુરતના ગોડાદરા સ્થિત પ્રમુખ આરણ્ય વિસ્તારમાં આ મહેંદી રસમ યોજાઈ હતી. જ્યાં શહેરની મોટી હસ્તીઓ સહિત ના મહાનુભાવો મોટી સંખ્યામાં હાજર રહી હતી. સુરતનો શ્રી આહીર સમાજ સેવા સમિતિ છેલ્લા ઘણા વર્ષોથ સમાજના ઉત્થાન મારે કાર્યરત રહેતું આવ્યું છે. સાથે જ છેલ્લા 24 વર્ષથી સમાજ દ્વારા સમૂહ લગ્નનું આયોજન પણ કરવામાં આવે છે. જ્યાં આગામી પાંચમી તારીખના રોજ સુરતના ગોડાદરા ખાતે આવેલ પ્રમુખ આરણ્ય ની પાછળ આવેલ વિશાળ મેદાનમાં આ 25 સમૂહ લગ્નનું ફરી આયોજન કરવામાં આવ્યું છે. જેમાં આહીર સમાજના કુલ 502 યુગલો પ્રભુતામાં પગલાં માંડવા જય રહ્યા છે. જો કે સમૂહ લગ્ન પહેલા આજ રોજ મહેંદી રસમ ની વિધિ આજ રોજ ગોડાદરા ખાતે કરવામાં આવી હતી. મહેંદી રસમ દ્વારા ગિનિસ લિમ્કા બુક ઓફ વર્લ્ડ રેકોર્ડમાં સ્થાન મેળવવાનો પ્રયત્ન પણ સમાજ ની મહિલાઓ અને દિકરીઓ દ્વારા કરવામાં આવ્યો હતો. આહીર સમાજ સેવા સમિતિ સુરત દ્વારા આયોજિત આ મહેંદી રસમ માં કુલ પાંચ હજાર જેટલી મહિલાઓ તેમજ સમાજની દીકરીઓએ ભાગ લીધો હતો. જ્યાં એકસાથે અગિયાર મીનીટ સુધી મહેંદી પાડવાનો પ્રયાસ કરવામાં આવ્યો હતો. ગોડાદરા ખાતે આયોજિત સમાજના આ કાર્યક્રમમાં ગિનિસ લિમ્કા બુક ઓફ વર્લ્ડ રેકોડના સભ્યો પણ હાજર રહ્યા હતા. આ કાર્યક્રમમાં 2500 જેટલા મહેંદી કોનનો ઉપયોગ કરવામાં આવ્યો હતો. આ પહેલા સમાજ દ્વારા આયોજન કરવામાં આવેલ મહેંદી રસમમાં 500 જેટલી મહિલાઓ એકસાથે મહેંદી પાડી વર્લ્ડ રેકોર્ડ બનાવ્યો છે. જ્યાં આ રેકોર્ડને બ્રેક કરવા અને સમાજ ના ઉત્થાન માટે આ એક કાર્યક્રમ રાખવામાં આવ્યો હોવાના આહીર સમાજના પ્રમુખે જણાવ્યું હતું.
