રિઝર્વ બેંક ઓફ ઈન્ડિયા (RBI) ના તાજેતરના ડેટા અનુસાર, 19 ઓગસ્ટના રોજ પૂરા થયેલા સપ્તાહમાં વિદેશી વિનિમય અનામત $6.687 બિલિયન ઘટીને $564.053 બિલિયન થઈ ગયું છે. અગાઉ, 12 ઓગસ્ટના રોજ પૂરા થયેલા સપ્તાહમાં વિદેશી મુદ્રા ભંડારમાં $223.8 મિલિયનનો ઘટાડો થયો હતો અને તે ઘટીને $570.74 બિલિયન પર આવી ગયો હતો.12 ઓગસ્ટના રોજ પૂરા થયેલા સપ્તાહમાં વિદેશી મુદ્રા ભંડારમાં $223.8 મિલિયનનો ઘટાડો થયો હતો.
રિઝર્વ બેન્કના જણાવ્યા અનુસાર, 19 ઓગસ્ટના રોજ પૂરા થયેલા સપ્તાહ દરમિયાન વિદેશી મુદ્રા ભંડારમાં ઘટાડો થવાનું મુખ્ય કારણ ફોરેન કરન્સી એસેટ (FCA) અને ગોલ્ડ રિઝર્વમાં ઘટાડો છે. સાપ્તાહિક ડેટા અનુસાર, FCAs સપ્તાહમાં $5.77 બિલિયન ઘટીને $501.216 બિલિયન થઈ ગયા છે. એ જ રીતે સોનાના ભંડારનું મૂલ્ય $704 મિલિયન ઘટીને $39.914 બિલિયન થયું છે.આ સપ્તાહમાં, ઈન્ટરનેશનલ મોનેટરી ફંડ (IMF) પાસે સ્પેશિયલ ડ્રોઈંગ રાઈટ્સ (SDR) ડિપોઝિટ $146 મિલિયન ઘટીને $17987 બિલિયન થઈ ગઈ છે. તે જ સમયે, IMFમાં રાખવામાં આવેલ દેશનું મુદ્રા ભંડાર પણ $58 મિલિયન ઘટીને $4.936 બિલિયન થઈ ગયું છે
