આજના યુગમાં ભણેલા ગણેલા લોકો પણ ખેતી તરફ વળ્યા છે. જો આપ પણ ખેતી દ્વારા સારી એવી કમાણી કરવા માગો છો, તો આજે અમે આપને એક એવી પ્રોડક્ટ વિશે વાત કરવા જઈ રહ્યા છીએ. જેની આખુ વર્ષ ડિમાન્ડ રહે છે. અમે અહીં આપને જીરાની ખેતી વિશે વાત કરવા જઈ રહ્યા છીએ. ભારતમાં રસોઈમાં જીરુ સામાન્ય રીતે દરેક જગ્યાએ મળી રહેશે. જીરાના કેટલાય ઔષધીય ગુણો પણ છે. જેના કારણે તેની માગ ડબલ થઈ જાય છે.જીરાની ખેતી માટે હલકી અને ચીકણી જમીન સારી માનવામાં આવે છે. આવી જમીનમાં જીરાની ખેતી સરળતાથી કરી શકાય છે.
વાવણી પહેલાં તે જરૂરી છે કે ખેતરની તૈયારી યોગ્ય રીતે કરવામાં આવે. જે ખેતરમાં જીરું વાવવાનું હોય તે ખેતરમાંથી નીંદણ કાઢીને સાફ કરવું જોઈએ. જીરુંની સારી જાતોમાં ત્રણ જાતોના નામ મુખ્ય છે. RZ 19 અને 209, RZ 223 અને GC 1-2-3 જાતો સારી માનવામાં આવે છે. આ જાતોના બીજ 120-125 દિવસમાં પાકે છે. આ જાતોની સરેરાશ ઉપજ 510 થી 530 કિગ્રા પ્રતિ હેક્ટર છે. તેથી, આ જાતો ઉગાડીને સારી આવક મેળવી શકાય છે.જીરામાંથી કમાણીદેશના 80 ટકાથી વધુ જીરું ગુજરાત અને રાજસ્થાનમાં ઉગાડવામાં આવે છે. રાજસ્થાનમાં દેશના કુલ ઉત્પાદનના 28 ટકા જીરુંનું ઉત્પાદન થાય છે.
હવે ઉપજની વાત કરીએ અને તેમાંથી કમાણી કરીએ તો જીરાની સરેરાશ ઉપજ પ્રતિ હેક્ટર 7-8 ક્વિન્ટલ બીજ બની જાય છે. જીરાની ખેતી પાછળ હેક્ટર દીઠ 30,000 થી 35,000 રૂપિયાનો ખર્ચ થાય છે.જો જીરાના ભાવને પ્રતિ કિલો 100 રૂપિયા લેવામાં આવે તો હેક્ટર દીઠ 40000 થી 45000 રૂપિયાનો ચોખ્ખો નફો મેળવી શકાય છે. આવી સ્થિતિમાં 5 એકરમાં જીરુંની ખેતી કરવામાં આવે તો 2 થી 2.25 લાખ રૂપિયાની આવક થઈ શકે છે.
