તોગડિયાનો કટાક્ષઃ ભાષણો કરવાએ રાષ્ટ્રભક્તિ નથી, સાચી રીતે રાષ્ટ્રભક્તિ કરવી હોય તો પાકિસ્તાન સાથે યુદ્ઘ કરો

વિશ્વ હિન્દુ પરિષદના આંતરરાષ્ટ્રીય કાર્યકારી અધ્યક્ષ ડૉ. પ્રવીણ તોગડિયાએ પાકિસ્તાનના સરહદ પાર વધી રહેલા હુમલાઓને લઈ સરકારને નિશાન બનાવી છે. તેમણે પાકિસ્તાનની સાથે સાથે આડકતરી રીતે પીએમને ઘેર્યા છે. તોગડિયાએ કહ્યું કે, પાકિસ્તાન સાથે ખૂબ વાતચીત થઈ, હવે તેની સાથે યુદ્ધ કરો.તોગડિયાએ જણાવ્યું કે, ”ભારત શુરવીરોનો દેશ છે. આપણી આર્મી, નેવી, સીઆઈએસએફ, બીએસએફ, પોલીસ અને હોમગાર્ડ દિવસ રાત દેશની સુરક્ષામાં લાગેલા રહે છે. ઘણા પરિવારોએ સ્વતંત્રતા મેળવવામાં અને સીમા રક્ષામાં પોતાના સ્વજનો પણ ગુમાવ્યા છે. દેશ વીરગતિ પામેલા જવાનોનો ભુલશે નહીં, યુદ્ધ કોઈ ઈચ્છતું નથી. પરંતુ પાકિસ્તાન સતત ભારત પર હુમલો કરી રહ્યું છે અને દરરોજ જવાનોના મોત થઈ રહ્યા છે. ટ્રેડ અને મેડિકલ પર વાતચીતથી લઈ પાકિસ્તાની નેતાઓને ગળે લગાવવાનું ખૂબ થયું. હવે પાકિસ્તાનને પાઠ ભણાવવાની જરૂર છે. ”