એઈમ્સ દિલ્હીના ડાયરેક્ટર ડૉ. રણદીપ ગુલેરિયાનો કાર્યકાળ આજે શુક્રવારે પૂરો થઈ રહ્યો છે. હવે તેમનું સ્થાન ડો. એમ. શ્રીનિવાસ લેશે જેઓ ESIC મેડિકલ કોલેજ અને હોસ્પિટલ, હૈદરાબાદના ડીન છે.
જણાવી દઈએ કે ડૉ. રણદીપ ગુલેરિયા 28 માર્ચ 2017થી દિલ્હી AIIMSના ડાયરેક્ટરનો હોદ્દો સંભાળી રહ્યા છે. આ પોસ્ટ પર તેમને બે વખત એક્સટેન્શન પણ મળ્યું છે, તેમનો કાર્યકાળ આજે પૂરો થઈ રહ્યો છે.
ઉલ્લેખનીય છે કે ડૉ.એમ.શ્રીનિવાસ પોતે AIIMSના બાળરોગ વિભાગના પ્રોફેસર છે. હાલમાં, પ્રતિનિયુક્તિ પર, તેઓ ESI હોસ્પિટલ, હૈદરાબાદમાં ડીન તરીકે સેવા આપી રહ્યા છે. દેશના નિષ્ણાત તબીબોમાં તેમનું નામ સામેલ છે.
દિલ્હી AIIMSના ડાયરેક્ટરનું પદ ખૂબ જ મહત્વપૂર્ણ માનવામાં આવે છે, તેથી આ પદ પર નિમણૂક માટે વિશેષ પ્રક્રિયા અપનાવવામાં આવે છે. જણાવી દઈએ કે છેલ્લા ઘણા મહિનાઓથી AIIMSના ડાયરેક્ટર પદ માટે 32 નામો પર ચર્ચા થઈ રહી હતી, પરંતુ ધીરે ધીરે તેમાં ઘટાડો થતો ગયો. અંતે એમ. શ્રીનિવાસના નામ પર સમજૂતી થઈ.
