તાજેતરમાં રશિયાના રાષ્ટ્રપતિ વ્લાદિમીર પુતિને યુક્રેનમાં પરમાણુ વિસ્ફોટ કરવાની ધમકી આપી હતી. અમેરિકાએ પોતાના નાગરિકોને આ યુદ્ધ માટે સંપૂર્ણ રીતે તૈયાર રહેવા કહ્યું છે. અમેરિકાએ પણ નાગરિકોને એલર્ટ કરવા માટે એડવાઈઝરી જારી કરી છે. આવો જાણીએ પરમાણુ હુમલા વખતે કે પછી શું કરવું અને શું ન કરવું.
એડવાઈઝરીમાં બ્લાસ્ટ બાદ તાત્કાલિક સ્નાન કરવાનું સૂચન કરવામાં આવ્યું છે. તમે સ્નાન માટે સાબુનો ઉપયોગ કરી શકો છો. સ્નાન કરતી વખતે તમારા શરીરને કોઈપણ રીતે ઘસવું અથવા ખંજવાળવું પ્રતિબંધિત છે, તેના બદલે તમે ધીમે ધીમે શરીરને સાફ કરો.
સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC) એ કહ્યું છે કે પરમાણુ વિસ્ફોટની સ્થિતિમાં અથવા તેના પછી હેર કંડિશનરનો ઉપયોગ કરવાની મનાઈ છે. એડવાઈઝરીમાં પરમાણુ હુમલા બાદ હેર કન્ડિશનરનો ઉપયોગ ન કરવા પર ખાસ ભાર મૂકવામાં આવ્યો છે.
હકીકતમાં, પરમાણુ વિસ્ફોટ પછી, તેમાંથી નીકળતી કિરણોત્સર્ગી ધૂળ વાદળમાં અટવાઇ જાય છે. આ ઉપરાંત કિરણોત્સર્ગી ધૂળ પણ સમગ્ર વાતાવરણમાં ફેલાય છે. હેર કંડિશનરમાં તેલ અને સપાટી-સક્રિય એજન્ટો હોય છે, જેના કારણે વાતાવરણમાંથી કિરણોત્સર્ગી ધૂળ વાળ પર ચોંટી જાય છે.
શરીર સાથે કિરણોત્સર્ગી ધૂળનો સીધો સંપર્ક સ્વાસ્થ્ય માટે હાનિકારક છે. તેનાથી શરીરના કોષોને નુકસાન થઈ શકે છે.
