સરકાર દ્વારા ગરીબો માટે અનેક યોજનાઓ ચલાવવામાં આવી રહી છે. સરકાર ગરીબોને સારવાર માટે ઓછા ખર્ચે આરોગ્યની સુવિધા પૂરી પાડી રહી છે ત્યારે સરકાર દ્વારા ગરીબોને ઓછા ખર્ચે અથવા વિનામૂલ્યે રાશન પણ આપવામાં આવી રહ્યું છે. આમાં રેશનકાર્ડ પણ સામેલ છે. રેશનકાર્ડની મદદથી ગરીબ લોકો પરિવારના સભ્યો અનુસાર ઓછા ભાવે અથવા મફતમાં રાશન મેળવી શકે છે. જો કે, રાશન કાર્ડમાં એક વસ્તુ તાત્કાલિક અપડેટ કરવી પણ જરૂરી છે, નહીં તો રેશન કાર્ડ ધારકને રાશન લેવામાં ઘણી સમસ્યાઓનો સામનો કરવો પડી શકે છે.
ખરેખર, રેશનકાર્ડમાં મોબાઈલ નંબર અપડેટ કરવો ખૂબ જ જરૂરી છે. જો રેશનકાર્ડમાં ખોટો નંબર અપડેટ કરવામાં આવે અથવા જુનો નંબર અપડેટ કરવામાં આવે તો ઘણી સમસ્યાઓનો સામનો કરવો પડી શકે છે. આવી સ્થિતિમાં, રાશન કાર્ડ સંબંધિત અપડેટ પણ ઉપલબ્ધ રહેશે નહીં. આથી રેશનકાર્ડમાં જે મોબાઈલ નંબરનો ઉપયોગ થઈ રહ્યો છે તે અપડેટ કરવામાં આવે તે જરૂરી છે.
દરેક રાજ્ય માટે અલગ રેશન કાર્ડ જારી કરવામાં આવે છે. આવી સ્થિતિમાં, રેશનકાર્ડમાં મોબાઇલ નંબર રાજ્યવાર રીતે અપડેટ કરી શકાય છે. તેની પ્રક્રિયા ઓનલાઈન પણ શક્ય છે. જો તમારું રેશનકાર્ડ દિલ્હી સાથે જોડાયેલું છે, તો કેટલાક પગલાઓ સાથે, રેશનકાર્ડમાં મોબાઈલ નંબરને ઓનલાઈન રીતે અપડેટ કરી શકાય છે.
સૌથી પહેલા https://nfs.delhigovt.nic.in/Citizen/UpdateMobileNumber.aspx લિંક પર જાઓ.
અહીં આધાર કાર્ડ નંબર, રેશન કાર્ડ નંબર, રેશન કાર્ડમાં લખેલ ઘરના વડાનું નામ અને નવો મોબાઈલ નંબર દાખલ કરો.
– કેપ્ચા કોડ દાખલ કરો અને સેવ કરો.
હવે તમારો નવો નંબર અપડેટ થશે.
