દિલ્હી પોલીસના સ્પેશિયલ સેલે રેપર સહિત રાજેશ બવાના ગેંગના ચાર ગેંગસ્ટરની ધરપકડ કરી છે. જણાવવામાં આવી રહ્યું છે કે રાજેશ બવાના ગેંગના આ સભ્યો નીરજ બવાના ગેંગના સાગરિતોને મારવાની યોજના બનાવી રહ્યા હતા, જેને પોલીસે નિષ્ફળ બનાવી દીધી છે. પોલીસની આ કાર્યવાહીથી રાષ્ટ્રીય રાજધાનીમાં મોટી ગેંગ વોર ટળી છે. ધરપકડ કરાયેલા ગેંગસ્ટરોના નામ હિમાંશુ, નીતિન, અભિષેક ઉર્ફે શેખુ, અભિલાષ પોટા છે. અભિલાષ રેપર છે.
દિલ્હી પોલીસ પાસેથી પ્રાપ્ત માહિતી અનુસાર, રાજેશ બવાના ગેંગે તાજેતરમાં જ લોરેન્સ બિશ્નોઈ અને ગોલ્ડી બ્રાર સાથે મળીને નીરજ બવાના ગેંગનો બદલો લીધો હતો અને હાથ મિલાવ્યા હતા.
દિલ્હી પોલીસ સ્પેશિયલ સેલના ડીસીપી પ્રમોદ સિંહ કુશવાહાના જણાવ્યા અનુસાર, એસીપી લલિત મોહન નેગી, ઈન્સ્પેક્ટર પ્રવીણ દુગ્ગલ અને ઈન્સ્પેક્ટર રાકેશ રાણાની ટીમે તેમની ધરપકડ કરી હતી. તાજેતરમાં રાજેશ બવાનાએ લોરેન્સ બિશ્નોઈ અને ગોલ્ડી બ્રાર સાથે તેની હરીફ ગેંગ નીરજ બવાનાના સભ્યોને મારવા માટે હાથ મિલાવ્યા હતા.
રાજેશ બવાના ગેંગના 4 બદમાશોની દિલ્હી પોલીસે ધરપકડ કરી છે, તેઓએ રાજસ્થાન અને હરિયાણામાં લૂંટની ઘટનાઓને અંજામ આપ્યો હતો, જેમાં એક સીસીટીવી ફૂટેજ પણ સામે આવ્યા હતા.
દિલ્હી પોલીસે બદમાશોના કબજામાંથી 4 પિસ્તોલ અને 20 કારતૂસ જપ્ત કર્યા છે. પોલીસે તેમની દિલ્હીના આઝાદપુર વિસ્તારમાંથી ધરપકડ કરી હતી જ્યારે તેઓ અન્ય ગેંગસ્ટર આબિદને મારવા જઈ રહ્યા હતા.
