ફરાહ ખાનના શેફ દિલીપની કમાણી પહેલા ₹300 હતી, હવે જાણો કેટલો છે પગાર
બોલિવૂડની પ્રખ્યાત કોરિયોગ્રાફર અને ફિલ્મમેકર ફરાહ ખાનની યુટ્યુબ ચેનલ આજે લાખો લોકોનું મનોરંજન કરે છે. આ ચેનલ પર ફરાહની સાથે તેમના રસોઇયા દિલીપ પણ એટલા જ લોકપ્રિય છે. બંનેની મજેદાર નોક-ઝોક અને ટ્રાવેલ વ્લોગ્સે તેમને સોશિયલ મીડિયાની હિટ જોડી બનાવી દીધા છે. આજે દિલીપને દરેક ઓળખે છે, પરંતુ તેમનું જીવન હંમેશા આવું નહોતું.
₹300થી શરૂ થઈ સફર
દિલીપ મૂળ બિહારના દરભંગા જિલ્લાના રહેવાસી છે. એક સમય હતો જ્યારે તેઓ માત્ર ₹300 મહિનાની નોકરી કરતા હતા. તાજેતરમાં જ્યારે ફરાહ અને દિલીપ દિલ્હીમાં અશ્નીર ગ્રોવર (ભારતપેના પૂર્વ મેનેજિંગ ડિરેક્ટર અને શાર્ક ટેન્ક ઇન્ડિયા ફેમ)ને મળવા પહોંચ્યા, ત્યારે આ વાતનો ખુલાસો થયો. અશ્નીરની માતાએ જણાવ્યું કે દિલીપ પહેલીવાર દિલ્હી માત્ર ₹300ની નોકરી માટે આવ્યા હતા.
ફરાહ ખાન સાથે જોડાયા બાદ જીવન બદલાઈ ગયું
દિલીપે ફરાહ ખાન સાથે રસોઇયા તરીકે કામ શરૂ કર્યું. ફરાહે પણ વાતચીત દરમિયાન જણાવ્યું કે જ્યારે દિલીપ તેમની સાથે જોડાયા હતા, ત્યારે તેમનો પગાર ₹20,000 હતો. જોકે તેમણે મજાકમાં કહ્યું કે હવે દિલીપ કેટલી કમાણી કરે છે, તે ન પૂછો! પરંતુ એટલું સ્પષ્ટ છે કે ફરાહ સાથે કામ કરવાથી દિલીપની આર્થિક સ્થિતિ અને ઓળખ બંનેમાં મોટો બદલાવ આવ્યો છે.
સિતારાઓમાં લોકપ્રિય
આજે દિલીપ માત્ર ફરાહ ખાનના રસોઇયા જ નહીં, પરંતુ બોલિવૂડ સેલેબ્સના પણ ફેવરિટ બની ચૂક્યા છે. ફરાહના વ્લોગ્સમાં તેમની હાજરીએ તેમને એક અલગ ઓળખ આપી છે. ઘણીવાર તેઓ ફિલ્મી સિતારાઓના ઘરોમાં પણ જોવા મળે છે. યુટ્યુબના દર્શકો પણ તેમની સરળતા અને હાજરજવાબીને ખૂબ પસંદ કરે છે.
અશ્નીર ગ્રોવર સાથે મુલાકાત
દિલ્હીમાં થયેલી મુલાકાત દરમિયાન ફરાહ અને દિલીપે ગ્રોવર પરિવાર સાથે ખૂબ મજા કરી. અશ્નીર ગ્રોવરે બંનેને ગિફ્ટ્સ પણ આપી. ફરાહને કપડાં અને સુશોભનની વસ્તુઓ મળી, જ્યારે દિલીપને નવી શર્ટ ભેટમાં આપવામાં આવી. મજાક કરતા ફરાહે કહ્યું કે દિલીપના મોટાભાગના શર્ટ ભેટમાં મળેલા હોય છે.
View this post on Instagram
પરિવાર અને જીવનશૈલી
ફરાહ ખાન સાથે કામ કર્યા બાદ દિલીપનું જીવન સંપૂર્ણપણે બદલાઈ ગયું છે. હવે તેમના બાળકો ઇંગ્લિશ મીડિયમ સ્કૂલમાં ભણે છે. દરભંગામાં તેમનું ત્રણ માળનું મકાન છે અને ગામમાં ઘણી એકર જમીન પણ છે. ક્યારેક ₹300થી શરૂઆત કરનાર દિલીપ આજે આરામદાયક અને સન્માનજનક જીવન જીવી રહ્યા છે.
