લિફ્ટ મેન સાથે ધારાસભ્ય મધુ શ્રીવાસ્તવે પોતાનો હોદ્દો બતાવી કરી દાદાગીરી

અપક્ષ ધારાસભ્ય જિજ્ઞેશ મેવાણીના વાણીવિલાસ બાદ આજે ભારતીય જનતા પક્ષના ધારાસભ્યોનો પણ વાણી વિલાસ છતો થયો. આજથી શરૂ થઈ રહેલી ૧૪મી વિધાનસભાના સત્ર દરમિયાન વાઘોડિયાના ધારાસભ્ય મધુ શ્રીવાસ્તવે દાદાગીરીને વરવું ઉદાહરણ આપ્યું. ભાજપના ધારાસભ્ય મધુ શ્રીવાસ્તવે લિફ્ટ મેનને તતડાવી નાખ્યો. અંતમાં પ્રવેશેલા ધારાસભ્યએ વાઘોડિયાના ધારાસભ્ય છું કહી લિફ્ટ મેનને દબંગાઇનું ઉદાહરણ આપ્યું. ઉલ્લેખનીય છે કે લિફ્ટમાં ધારાસભ્ય જિજ્ઞેશ મેવાણી પણ ઉપસ્થિત હતા. જો કે લિફ્ટમાં અન્ય પત્રકારો પણ હોવાનો અહેસાસ થતા મધુ શ્રીવાસ્તવે પોતાના માણસો સાથે ચાલતી પકડી.