અભિનેત્રી સામે હસ્તમૈથુન કરનાર ડ્રાઇવરની ધરપકડ

સોમવારે સવારે મુંબઇના વિલે પાર્લેમાં આવેલી સ્કૂલ પાસે અભિનેત્રી ઉભી હતી ત્યારે બીએમડબલ્યૂ લઇને આવેલા શખ્સે તેની સામે જ ગાડી ઉભી રાખી દીધી અને હસ્તમૈથુન કરવા લાગ્યો હતો. ઘટના બાદ અભિનેત્રીએ પોલીસ ફરિયાદ નોંધાવી હતી. એક્ટ્રેસ ડ્રાઇવરને પકડે તે પહેલા જ નાસી છૂટ્યો હતો, પણ ગાડીની નંબર પ્લેટના છેલ્લા 4 આંકડા (1985) નોંધવામાં તેણીને સફળતા મળી હતી. FIR નોંધાઇના કલાકોમાં જ પોલીસે 43 વર્ષીય જીવન ચૌધરીની ધરપકડ કરી લીધી હતી. આરોપી વિલે પાર્લેના એક ઉદ્યોગપતિના ડ્રાઇવર તરીકે કામ કરતો હતો. RTOએ આપેલા સીસીટીવી ફૂટેજના આધારે ડ્રાઇવરને ટ્રેક કરવામાં આવ્યો હતો.અભિનેત્રીના પતિએ ટ્વીટ કર્યું હતું કે ‘સાંજે 04:15 વાગ્યે ફરિયાદ નોંધવામાં આવી હતી અને 2 કલાકમાં પોલીસે આરોપીની ધરપકડ કરી લીધી. હેટ્સ ઑફ ગોડ ફોર્બિડ ઇફ ઓલ સચ થિંગ્સ હેપન, સહન ન કરતા, મહેરબાની કરીને પોલીસ પાસે જાઓ અને બોલો.’ભોગ બેનલી અભિનેત્રી મરાઠી ટેલિવિઝન સીરીયલમાં કામ કરે છે. સવારે 11 વાગ્યે વિલે પાર્લેમાં પોતાના ઘરની બાજુમાં આવેલી સ્કૂલ પાસે ઉભી હતી ત્યારે આ શર્મજનક ઘટના બની હતી. ઘટનાની જાણ થતાં જ અભિનેત્રીના પતિએ મુંબઇ પોલીસને ટેગ કરીને ટ્વીટ કર્યું હતું. બાદમાં વિલે પાર્લે પોલીસ સ્ટેશને જઇને ફરિયાદ નોંધાવી હતી.